ഗര്‍ഭത്തിലും 'വ്യാജന്‍'

ഗര്‍ഭങ്ങളിലും വ്യാജനുണ്ടാകും. ട്യൂബല്‍ ഗര്‍ഭം പോലുള്ളവയെ വ്യാജ ഗര്‍ഭങ്ങളെന്നു വേണമെങ്കില്‍ വിളിയ്ക്കാം. എക്ടോപിക് ഗര്‍ഭമെന്ന പേരും ഇതിനുണ്ട്.

ട്യൂബല്‍ ഗര്‍ഭത്തില്‍ അണ്ഡ, ബീജ സംയോഗം ശരിയായ വിധത്തില്‍ നടക്കും. ഇത് ഫെല്ലോപിയന്‍ ട്യൂബിലൂടെ സഞ്ചരിച്ച് യൂട്രസിലെത്തി അവിടെയാണ് ബാക്കിയുള്ള ഭ്രൂണവളര്‍ച്ച നടക്കുക.

എന്നാല്‍ ചിലപ്പോള്‍ ഭ്രൂണം ഫെല്ലോപിയന്‍ ട്യൂബില്‍ തങ്ങി നിന്നെന്നു വരും. ഭ്രൂണം വളരും. എന്നാല്‍ വളരാന്‍ ആവശ്യത്തിനുള്ള സ്ഥലം ലഭിക്കുകയും ചെയ്യില്ല. ഇത് ഫെല്ലോപിയന്‍ ട്യൂബിനെ കേടു വരുത്തും.

ചില ഘട്ടങ്ങളില്‍ ഭ്രൂണം ഫെല്ലോപിയന്‍ ട്യൂബില്‍ തടഞ്ഞു നിന്നാലും പെട്ടെന്ന് സഞ്ചരിച്ച് സാധാരണ രീതിയില്‍ യൂട്രസിലെത്തും. എന്നാല്‍ ഇങ്ങനെ സംഭവിക്കാത്ത പക്ഷം അപകടം തന്നെയാണ്. ചിലപ്പോള്‍ ഓവറി, ഗര്‍ഭപാത്ര ഗളം എന്നിവിടങ്ങളിലും ഇത്തരം അവസ്ഥയുണ്ടാകാം. എന്നാല്‍ കൂടുതലായും ഇതുണ്ടാകാറ് ഫെല്ലോപിയന്‍ ട്യൂബില്‍ തന്നെയാണ്.

ട്യൂബല്‍ പ്രഗ്നന്‍സി നേരത്തെ കണ്ടെത്തിയില്ലെങ്കില്‍ അമ്മയുടെ ജീവന് തന്നെ അപകടമാണ്.