സ്‌ട്രെസ് ഓവുലേഷന്‍ തടയും

ചിലരില്‍ സ്‌ട്രെസ് ഓവുലേഷനെ ബാധിക്കും. സ്‌ട്രെസ് ഓവുലേഷനെ തടയുകയോ വളരെ കുറച്ച് ഓവുലേഷന്‍ മാത്രം നടക്കുകയോ ചെയ്യുന്നു.

ഇത് സ്ത്രീക്കു തന്നെ തിരിച്ചറിയാം. സാധാരണ ഓവുലേഷന്‍ സമയത്ത് യോനീസ്രവങ്ങളുടെ ഉല്‍പാദനം കൂടുകയാണ് ചെയ്യുന്നത്. സ്‌ട്രെസ് ഓവുലേഷനെ ബാധിക്കുമ്പോള്‍ ഓവുലേഷന്‍ സമയത്ത് യോനീഭാഗത്ത് വരള്‍ച്ച അനുഭവപ്പെടും. യോനീസ്രവങ്ങള്‍ ബീജങ്ങളുടെ നിലനില്‍പ്പിനും അത്യാവശ്യമാണ്.

സ്‌ട്രെസ് പുരുഷന്മാരിലും വന്ധ്യയുണ്ടാക്കുന്നതായി തെളിഞ്ഞിട്ടുണ്ട്. സ്ട്രസ് കൂടുമ്പോള്‍ തലച്ചോര്‍ കോര്‍ട്ടിസോള്‍ എന്നൊരു ഹോര്‍മോണ്‍ പുറപ്പെടുവിക്കും. ഈ ഹോര്‍മോണ്‍ ബീജോല്‍പാല്‍ദനം കുറയ്ക്കുന്നതായി തെളിഞ്ഞിട്ടുണ്ട്.

ബിജോല്‍പാദനം മാത്രമല്ലാ, പുരുഷന്മാരിലും സ്ത്രീകളിലും ലൈംഗിക താല്‍പര്യങ്ങളും ഇത് കുറയ്ക്കും. സ്ട്രസ് വരുമ്പോള്‍ തലച്ചോര്‍ ന്യൂറോപെപ്‌റ്റൈഡുകള്‍ എന്നൊരു പദാര്‍ത്ഥവും പുറപ്പെടുവിക്കുന്നുണ്ട്. ഇവയാണ് ലൈംഗികതാല്‍പര്യങ്ങള്‍ കുറയ്ക്കുന്നത്.

ടെന്‍ഷന്‍ നമ്മുടെ ആരോഗ്യത്തെയും ബാധിക്കും. ഗര്‍ഭം ധരിക്കുന്നതില്‍ ആരോഗ്യമുള്ള ശരീരത്തിനും മുഖ്യസ്ഥാനമാണുള്ളത്.

ശരീരവും മനസും തമ്മില്‍ വേര്‍പെടുത്താനാവാത്ത ബന്ധമുണ്ട്. അതുകൊണ്ട് ഗര്‍ഭധാരണത്തിന് ശരീരവും മനസും ടെന്‍ഷന്‍ വിമുക്തമായിരിക്കേണ്ടത് അത്യാവശ്യവുമാണ്.

ശാരീരിക പ്രശ്‌നങ്ങള്‍ പോലെയല്ലാ സ്ട്രസ് മൂലമുണ്ടാകുന്ന വന്ധ്യതാ പ്രശ്‌നങ്ങള്‍. ഇവയ്ക്ക് പരിഹാരവുമുണ്ട്. ടെന്‍ഷന്‍ ഒഴിവാക്കിയാല്‍ തന്നെ ഇത്തരം പ്രശ്‌നങ്ങള്‍ മുക്കാല്‍ ഭാഗവും പരിഹരിക്കാവുന്നതുമാണ്.