അമിതവണ്ണമുള്ളവര്‍ക്കും ഗര്‍ഭം ധരിക്കാം

Pre Natal

oi-Saritha

By Veena

Published: Wednesday, March 28, 2012, 14:31 [IST]

അമിതവണ്ണം ഗര്‍ഭധാരണത്തിന് തടസമാണെന്ന കാര്യത്തില്‍ സംശയം വേണ്ട. എന്നാല്‍ ഇൗ പ്രശ്‌നത്തിന് പരിഹാരവുമുണ്ട്. അമിതവണ്ണമുള്ളവര്‍ക്ക് ഗര്‍ഭം ധരിക്കാന്‍ ചില കാര്യങ്ങളില്‍ ശ്രദ്ധ വയ്‌ക്കേണ്ടി വരുമെന്നു മാത്രം.

ആദ്യമായി അമിതവണ്ണത്തിന്റെ കാരണം കണ്ടെത്തുക. ഭക്ഷണവും വ്യായാമക്കുറവുമാണ് ഇത്തരം പ്രശ്‌നത്തിന് കാരണമെങ്കില്‍ ഇവ രണ്ടും തനിയെ പരിഹരിക്കാവുന്നതേയുള്ളൂ.

ഇതല്ലാതെയും അമിതവണ്ണമുണ്ടാകാം. തൈറോയ്ഡ്, ഒവേറിയന്‍ സിസ്റ്റ് എന്നിവയും അമിത വണ്ണത്തിന് കാരണമാകാം. ഇത്തരം പ്രശ്‌നങ്ങള്‍ക്ക് വൈദ്യസഹായം തേടേണ്ടതും അത്യാവശ്യം. കാരണം തൈറോയ്ഡ് പരോക്ഷമായും സിസ്റ്റ് പ്രത്യക്ഷമായും ഗര്‍ഭധാരണത്തെ ബാധിക്കുന്നുണ്ട്.

അമിതവണ്ണം ചിലപ്പോഴെങ്കിലും ആര്‍ത്തവപ്രശ്‌നങ്ങള്‍ക്ക് കാരണമാകാറുണ്ട.് ഇത് ഗര്‍ഭധാരണത്തിനും തടസം സൃഷ്ടിക്കും. ഇതിന് ശരീരഭാരം കുറയ്്ക്കുകയേ വഴിയുള്ളൂ. ചിട്ടയായ വ്യായാമവും ഭക്ഷണക്രമീകരണവും ഇവിടെ ഗുണം ചെയ്യും. ആര്‍ത്തവം ക്രമമാക്കാന്‍ ഒരു ഡോക്ടറുടെ സഹായം തേടുകയുമാകാം.

ഗര്‍ഭധാരണത്തെ സഹായിക്കുന്ന ചില ഭക്ഷണങ്ങളുണ്ട്. പ്രത്യേകിച്ച് ഫോളിക് ആസിഡ് അടങ്ങിയ ഭക്ഷണങ്ങള്‍. ഇലക്കറികള്‍, ഗോതമ്പ്, ബീറ്റ്‌റൂട്ട്, പഴം, ബ്രൊക്കോളി തുടങ്ങിയവ ഗര്‍ഭധാരണത്തെ സഹായിക്കുന്നവയാണ്.

അമിതവണ്ണം ഒഴിവാക്കുവാന്‍ ക്രാഷ് ഡയറ്റ് സ്വീകരിക്കുന്നത് നല്ല പ്രവണതയല്ല. ശരീരത്തിന്റെ ആരോഗ്യത്തെ ഇത് ബാധിക്കുകയും അതുവഴി ഗര്‍ഭധാരണ പ്രശ്‌നങ്ങള്‍ ഉണ്ടാവുകയും ചെയ്യും.