പുളിക്കൊതിയെങ്കില്‍ ആണ്‍കുഞ്ഞ്

Pre Natal

oi-Saritha

By Veena

Published: Monday, March 26, 2012, 12:12 [IST]

പ്രസവം നടന്നാല്‍ ആദ്യം ചോദിക്കുന്ന ചോദ്യം ആണോ പെണ്ണോ എന്നുള്ളതായിരിക്കും. മിക്കവാറും പേര്‍ക്ക് 10 മാസം ചുമന്നു നടന്ന ആകാംഷ കൂടിയായിരിക്കും ഇത്. ഇന്നത്തെ കാലത്ത് സ്‌കാനിംഗുള്ളതു കൊണ്ട് കുഞ്ഞിന്റെ ലിംഗനിര്‍ണയം അത്ര ബുദ്ധിമുട്ടൊന്നുമുള്ള കാര്യമല്ല. എങ്കിലും ചില നാടന്‍ രീതികളും ഇക്കാര്യത്തില്‍ നിലവിലുണ്ട്. ഇത്തരം രീതികളില്‍ എന്തെങ്കിലും അടിസ്ഥാനമുണ്ടോയെന്ന ചോദ്യമുയരുമെങ്കിലും കേള്‍ക്കുവാനും വായിക്കുവാനും കൗതുകം തരുന്ന കണ്ടുപിടുത്തങ്ങളാണ് പലതും.

ഗര്‍ഭിണിയുടെ വയറിന്റെ സ്ഥാനം നോക്കി കുഞ്ഞിനെ നിര്‍ണയിക്കാം. ആണ്‍കുഞ്ഞാണെങ്കില്‍ വയര്‍ അടിയിലേക്ക് കൂടുതല്‍ ഇറങ്ങിയിരിക്കും. അതുപോലെ വയര്‍ കൂടുതലാണെങ്കില്‍ പെണ്‍കുഞ്ഞും കുറവാണെങ്കില്‍ ആണ്‍കുഞ്ഞുമായിരിക്കും.

ഗര്‍ഭകാലത്ത് ഭക്ഷണങ്ങളോടും ചില പ്രത്യേക സ്വാദുകളോടും ആര്‍ത്തി തോന്നുന്നത് പതിവാണ്. പുളിയോടാണ് ഗര്‍ഭിണിക്ക് കൂടുതല്‍ താല്‍പര്യമെങ്കില്‍ കുഞ്ഞ് ആണ്‍കുഞ്ഞായിരിക്കുമത്രെ. പെണ്‍കുഞ്ഞാണെങ്കില്‍ മധുരത്തോടായിരിക്കും ഗര്‍ഭകാലത്ത് ആഗ്രഹം.

ഏതെങ്കിലും ചെറിയ പെണ്‍കുട്ടികള്‍ ഗര്‍ഭിണിയായ സ്ത്രീയോട് കൂടുതല്‍ സ്‌നേഹവും അടുപ്പവും കാണിക്കുന്നുണ്ടെങ്കില്‍ വയറ്റില്‍ കിടക്കുന്നത് ആണ്‍കുട്ടിയാകും. നേരെ മറിച്ച് ആണ്‍കുട്ടിയാണ് ഇഷ്ടം കാണിക്കുന്നതെങ്കില്‍ വയറ്റിലേത് പെണ്‍കുഞ്ഞായിരിക്കും.