മുലപ്പാല്‍ വരുന്നില്ലെങ്കില്‍....

Published: Tuesday, January 21, 2014, 15:21 [IST]

കുഞ്ഞിന് മുലയൂട്ടുന്നത് മാതൃത്വത്തിന്റെ ഏറ്റവും മഹനീയ നിമിഷങ്ങളിലൊന്നാണ്. കുഞ്ഞിന്റെയും അമ്മയുടേയും ആരോഗ്യത്തിനും മാനസിക അടുപ്പത്തിനും അവശ്യം വേണ്ട ഒന്നാണിത്.

പ്രസവശേഷം, പ്രത്യേകിച്ച് സിസേറിയനെങ്കില്‍ ആദ്യ ഒന്നു രണ്ടു ദിവസം മുലപ്പാല്‍ വരുവാന്‍ പ്രയാസമുണ്ടാകും. പിന്നീട് കുഞ്ഞ് വലിച്ചു കുടിയ്ക്കുന്നതിനൊപ്പം ആവശ്യമുള്ള മുലപ്പാല്‍ ശരീരം ഉല്‍പാദിപ്പിച്ചു തുടങ്ങുകയും ചെയ്യും.

മുലയൂട്ടുന്ന സ്‌ത്രീകള്‍ക്കു വേണ്ട വിറ്റാമിനുകള്‍

എന്നാല്‍ ചിലപ്പോള്‍ മുലപ്പാല്‍ വരുന്ന നാളികള്‍ തടസപ്പെടുന്നതു കാരണം സ്ത്രീകളില്‍ പാല്‍ വരുന്നതു കുറയാം. മുലപ്പാല്‍ കെട്ടി നില്‍ക്കുന്നതു കാരണം സ്തനങ്ങളില്‍ ചുവപ്പും തിണര്‍പ്പുമുണ്ടാകാം. കുഞ്ഞിന് ഇത് വേണ്ട രീതിയില്‍ പാല്‍ ലഭിയക്കുന്നതു തടയുകയും ചെയ്യുന്നു.

ഇത്തരം സന്ദര്‍ഭങ്ങളില്‍ ചെയ്യാവുന്ന ചില കാര്യങ്ങളെക്കുറിച്ചറിയൂ,

ബ്രെസ്റ്റ് പമ്പ്

ബ്രെസ്റ്റ് പമ്പ് ഉപയോഗിച്ച് പാല്‍ വലിച്ചെടുത്തു സൂക്ഷിയ്ക്കാം. ഇത് മുലപ്പാല്‍ സ്തനങ്ങളില്‍ കെട്ടി നില്‍ക്കുന്നത് തടയുകയും ചെയ്യും.

ചൂടു പിടിയ്ക്കാം

മാറിടത്തില്‍ ചെറുതായി ചൂടു പിടിയ്ക്കാം. ചൂടുവെള്ളത്തില്‍ മുക്കിപ്പിഴിഞ്ഞ തുണി് മാറിടത്തില്‍ വയ്ക്കാം. ഇത് മുലപ്പാല്‍ ഊറി വരുന്ന നാളികളിലെ തടസങ്ങള്‍ നീക്കുകയും ചെയ്യും.