പേടി മാറ്റാനും വഴിയുണ്ട്

Kids

oi-Saritha

By Veena

Updated: Friday, April 12, 2013, 9:08 [IST]

കുട്ടികളുടെ പേടി മാറ്റാന്‍ വീട്ടിലുള്ളവര്‍ തന്നെ മതി. അവര്‍ ഇക്കാര്യത്തില്‍ അല്‍പം ശ്രദ്ധിക്കണമെന്നു മാത്രം.

അമ്മയ്ക്കാണ് ഇക്കാര്യത്തില്‍ കൂടുതലായി എന്തെങ്കിലും ചെയ്യാന്‍ കഴിയുക.

അമ്മയുടെ സ്പര്‍ശം, ഒരു സാന്ത്വനപ്പെടുത്തല്‍ ഇതെല്ലാം കുട്ടികള്‍ക്ക് വല്ലാത്ത സുരക്ഷിതബോധമാണ് നല്‍കുക. തീരെ ചെറിയ കുഞ്ഞുങ്ങളാണെങ്കില്‍ അമ്മയൊന്ന് അടുക്കിപ്പിടിച്ചാല്‍ മതി, ഇത്തരം പേടി മാറാന്‍.

പേടിക്കുള്ള കാരണം കുട്ടിയോട് ചോദിക്കുക. ഇതറിഞ്ഞാല്‍ പരിഹാരവും എളുപ്പമായിരിക്കും. തുറന്നു പറയാന്‍ മടി കാണിക്കുന്ന കുട്ടികളാണെങ്കില്‍ അവരെ സൂക്ഷ്മമായി നിരീക്ഷിക്കുക. കാരണം മനസിലാകും.

പേടിയുള്ള വസ്തു കാണുമ്പോള്‍ മുഖഭാവം കൊണ്ട് തിരിച്ചറിയാം. ഓടി മുതിര്‍ന്നവരുടെ അടുത്തേക്കു വരിക. ആ വസ്തുവില്‍ തന്നെ തുറിച്ചു നോക്കിയിരിക്കുക, മുതിര്‍ന്നവരുടെ കൈകളിലോ ദേഹത്തോ മുറുകെപ്പിടിക്കുക എന്നിവ ഭയപ്പെടുത്തുന്ന സംഗതി പരിസരത്തു തന്നെയുണ്ടെന്നുള്ളതിന്റെ തെളിവാണ്.

ഭയപ്പെടുത്തുന്ന സിനിമകളും ടിവി പരിപാടികളും കാണാന്‍ കുട്ടികളെ അനുവദിക്കരുത്. ഇത് അവര്‍ അറിയാതെ തന്നെ അവരുടെ മനസില്‍ ഭയമുണ്ടാക്കും. കാര്‍ട്ടൂണാണെങ്കില്‍ തന്നെയും ഇതിലുള്ള ചില ഭീകരരൂപങ്ങള്‍ കുഞ്ഞിനെ ഭയപ്പെടുത്തുന്നവയായിരിക്കും.

പേടിയുടെ പേരില്‍ കുട്ടിയെ കളിയാക്കുകയോ താഴ്ത്തിക്കെട്ടുകയോ ചെയ്യരുത്. ഇത് പ്രശ്‌നം കൂടുതല്‍ വഷളാക്കും.

ഭയമുള്ള കുട്ടിയെ പൊതിഞ്ഞു സംരക്ഷിക്കുന്നതും ദോഷം ചെയ്യും. ഇരുട്ടിനെ ഭയമുള്ള കുട്ടിയാണെങ്കില്‍ എപ്പോഴും ലൈറ്റിട്ടു കൊടുക്കുകയല്ലാ, വേണ്ടത്. ഇരുട്ടിനെ കുട്ടിക്ക് പരിചയപ്പെടുത്തിക്കൊടുക്കുക. ഇരുട്ടിലൂടെ കുഞ്ഞിനെ കൈ പിടിച്ചു നടത്തുക.