കുട്ടിക്ക് മുലപ്പാലിന് പകരം ബദാം മില്‍ക്

ആവശ്യത്തിന് മുലപ്പാലില്ലാതെ വന്നാല്‍ കുട്ടിക്ക് മറ്റു ഭക്ഷണങ്ങള്‍ കൊടുത്തുതുടങ്ങുകയെന്നതാണ് ആകെയുള്ള പോംവഴി.

നല്ലപോലെ തിളപ്പിച്ച പശുവിന്‍പാലാണ് മുലപ്പാലിന് പകരമുള്ള ഏറ്റവും നല്ല സമീകൃതാഹാരം. ഇതില്‍ കുട്ടിക്കാവശ്യമായ കൊഴുപ്പ്, ലാക്ടോസ്, കൊളസ്‌ട്രോള്‍ എന്നിവ അടങ്ങിയിട്ടുണ്ട്. ഇത് സ്പൂണിലോ അല്ലെങ്കില്‍ ഫീഡിംഗ് ബോട്ടിലിലാക്കിയോ കൊടുക്കാം.

അപൂര്‍വമായെങ്കിലും ചില കുട്ടികള്‍ക്ക് പശുവിന്‍ പാലിനോട് അലര്‍ജിയുണ്ടാകും. ഇത്തരക്കാര്‍ക്ക് സോയമില്‍ക് നല്ലൊരു ഭക്ഷണമാണ്. എന്നാല്‍ ഇത് ദഹിക്കുവാന്‍ അല്‍പം ബുദ്ധിമുട്ടുള്ളതാണ്. അതുകൊണ്ട് സോയ കൊടുക്കുമ്പോള്‍ കുട്ടിക്ക് ദഹനപ്രശ്‌നങ്ങളുണ്ടാകുന്നുണ്ടോയെന്ന് ശ്രദ്ധിക്കണം.

അരി വെള്ളത്തിട്ട് കുതിര്‍ത്തി അരച്ചു പിഴിഞ്ഞെടുത്ത് വെള്ളം ചേര്‍ത്ത് കുട്ടികള്‍ക്കു നല്‍കുന്ന രീതിയും അപൂര്‍വമായുണ്ട്. എന്നാല്‍ ഇതില്‍ കുട്ടിക്കാവശ്യമായ കാല്‍സ്യം, പ്രോട്ടീന്‍ എന്നിവ അടങ്ങിയിട്ടുണ്ടാകില്ല.

ബദാം മില്‍ക്കും കുട്ടികള്‍ക്ക് ആവശ്യമായ എല്ലാവിധ പോഷണങ്ങളും നല്‍കും. ബദാമില്‍ പശുവിന്‍ പാലിനേക്കാള്‍ കൂടുതല്‍ പോഷകങ്ങള്‍ അടങ്ങിയിട്ടുണ്ട്. ബദാം വെള്ളത്തിലിട്ട് കുതിര്‍ന്നു കഴിയുമ്പോള്‍ അരച്ച് ആ പാല്‍ അരിച്ചെടുത്ത് ഉപയോഗിക്കാം.

മുലപ്പാലിന് പകരം ഇത്തരം ഭക്ഷണങ്ങള്‍ കൊടുക്കുമ്പോള്‍ കുട്ടിക്ക് അത് ദഹിക്കുന്നുണ്ടോയെന്ന് ശ്രദ്ധിക്കേണ്ടത് അത്യാവശ്യമാണ്.