കുഞ്ഞിന്റെ വായില്‍ വെളുത്ത നിറത്തില്‍ പൂപ്പല്‍ പോലേയോ: ശ്രദ്ധിക്കേണ്ടത്

കുഞ്ഞുങ്ങള്‍ക്ക് എങ്ങനെയാണ് ത്രഷ് ഉണ്ടാകുന്നത്?

കുഞ്ഞുങ്ങളില്‍ എങ്ങനെയാണ് ത്രഷ് ഉണ്ടാവുന്നത് എന്ന് ആദ്യം മനസ്സിലാക്കണം. കാന്‍ഡിഡ ആല്‍ബിക്കന്‍സ് ആണ് ഇതിന് കാരണം. പ്രസവ സമയത്ത് അമ്മയില്‍ നിന്ന് കുഞ്ഞിന്റെ ശരീരത്തിലേക്ക് ഇത് എത്തുന്നു. (2) കുഞ്ഞിന്റെ ചര്‍മ്മം വായുവിലെ ഫംഗസുമായി സമ്പര്‍ക്കം പുലര്‍ത്തുന്നതിന്റെ ഫലമായി ഇത്തരം അവസ്ഥകള്‍ ഉണ്ടായേക്കാം. ഈ ഫംഗസ് വായ, ദഹനനാളം എന്നിങ്ങനെ ശരീരത്തിന്റെ വിവിധഭാഗങ്ങളെ പിടി കൂടുന്നു. ശരീരത്തിനുള്ളില്‍ ഈ ബാക്ടീരിയകള്‍ വളരുന്ന സാഹചര്യം ഉണ്ടാവുന്നു. സാധാരണ അവസ്ഥയില്‍ ഈ അണുബാധ കുഞ്ഞിന് ബുദ്ധിമുട്ടുണ്ടാക്കില്ല. എന്നാല്‍ ചില അവസരങ്ങളില്‍ ഇത് അല്‍പം പ്രതിസന്ധി ഉണ്ടാക്കുന്നു.

കുഞ്ഞുങ്ങള്‍ക്ക് എങ്ങനെയാണ് ത്രഷ് ഉണ്ടാകുന്നത്?

പലപ്പോഴും കുഞ്ഞിന്റെ രോഗപ്രതിരോധ സംവിധാനത്തെ ഇത് ബാധിക്കുന്നു. അതിന്റെ ഫലമായി ബാക്ടീരിയയുടെ വളര്‍ച്ച നിയന്ത്രിക്കാന്‍ സാധിക്കാതെ വരുന്നു. ഈ അവസ്ഥയില്‍ പലപ്പോഴും രോഗപ്രതിരോധ സംവിധാനം പരാജയപ്പെടുകയും ഇത് കുഞ്ഞിനെ ആരോഗ്യാവസ്ഥയില്‍ കാര്യമായ മാറ്റങ്ങളിലേക്കും എത്തിക്കാം. ഇതിനെ ശ്രദ്ധിക്കാതെ വിട്ടാല്‍ അത് ഗുരുതരാവസ്ഥ സൃഷ്ടിക്കും എന്നതാണ് സത്യം. ഇത്തരം കാര്യങ്ങള്‍ എല്ലാ മാതാപിതാക്കളും വേണ്ടത്ര ഗൗരവത്തോടെ കാണേണ്ടതാണ്.

കാരണങ്ങള്‍

കുഞ്ഞുങ്ങളില്‍ ഇത്തരം ത്രഷിനുള്ള കാരണങ്ങള്‍ എന്തൊക്കെയാണ് എന്ന് നമുക്ക് നോക്കാം. അതില്‍ ഒന്നാണ് കുഞ്ഞ് കഴിക്കുന്ന മരുന്നുകള്‍. ദീര്‍ഘകാലം ആന്റിബയോട്ടിക്കുകള്‍ കഴിക്കുന്ന കുഞ്ഞുങ്ങളില്‍ പലപ്പോഴും ഇത്തരം ത്രഷുകള്‍ കാണപ്പെടുന്നു. നല്ല ബാക്ടീരിയയേയും പലപ്പോഴും ആന്റിബയോട്ടിക്കുകള്‍ ആക്രമിക്കുന്നു. ഇതിന്റെ ഫലമായി പലപ്പോഴും കുട്ടികളില്‍ ത്രഷ് ഉണ്ടാവുന്നു. ഓറല്‍ ത്രഷ് ആണ് ഏറ്റവും കൂടുതല്‍ കാണപ്പെടുന്നത്. ഇത്തരം അവസ്ഥയില്‍ ഒരിക്കലും അതിനെ നിസ്സാരമാക്കരുത്.

അമ്മയുടെ ആന്റിബയോട്ടിക് ഉപയോഗം

കുഞ്ഞിന്റെ മാത്രമല്ല മുലയൂട്ടുന്ന അമ്മയാണെങ്കില്‍ അമ്മ ആന്റിബയോട്ടിക്കുകള്‍ ഉപയോഗിക്കുന്നുവെങ്കില്‍ കുഞ്ഞിനും ഈ പ്രശ്‌നം ഉണ്ടാവുന്നതിനുള്ള സാധ്യതയുണ്ട്. ഇത് കൂടാതെ മലിനമായ ഡയപ്പര്‍ കൂടുതല്‍ നേരം ധരിക്കുമ്പോള്‍ അതും കുഞ്ഞില്‍ ഇത്തരം ഡയപ്പര്‍ ത്രാഷ് ഉണ്ടാവുന്നതിലേക്ക് നയിക്കുന്നു. കുഞ്ഞുങ്ങള്‍ക്ക് ഇതിനുള്ള സാധ്യത മുതിര്‍ന്നവരേക്കാള്‍ കൂടുതലാണ്. ഇത് എന്തുകൊണ്ടാണെന്ന് നോക്കാം.

എന്തുകൊണ്ട് കുഞ്ഞുങ്ങളില്‍

പലരും ചോദിക്കുന്നതാണ് എന്തുകൊണ്ട് കുഞ്ഞുങ്ങളില്‍ മാത്രം ഇത്തരം ഓറല്‍ ത്രഷ് പോലുള്ള ഫംഗസ് അവസ്ഥകള്‍ ഉണ്ടാവുന്നത് എന്ന്. അതിന് ചില കാരണങ്ങള്‍ ഉണ്ട്. അതില്‍ ഒന്നാണ് മാസം തികയാതെ പ്രസവിച്ച കുഞ്ഞുങ്ങള്‍. മാസം തികയാതെയുള്ള കുഞ്ഞുങ്ങള്‍ക്ക് പ്രതിരോധശേഷി കുറവായതിനാല്‍ ത്രഷ് പോലുള്ള അണുബാധകള്‍ പെട്ടെന്ന് ഇവരെ പിടികൂടുന്നു. ഇത് കൂടാതെ രോഗപ്രതിരോധ സംവിധാനങ്ങളില്‍ തകരാറുള്ള കുട്ടികളെങ്കില്‍ അവരിലും ഇതേ പ്രശ്‌നം ഉണ്ടാവുന്നതിനുള്ള സാധ്യതയുണ്ട്.

കുഞ്ഞുങ്ങളില്‍ ത്രഷിന്റെ ലക്ഷണങ്ങള്‍

കുഞ്ഞുങ്ങളില്‍ ത്രഷ് ഉണ്ടാവുന്നതിന് മുന്‍പ് ചില ലക്ഷണങ്ങള്‍ കാണപ്പെടുന്നുണ്ട്. വായിലെ ത്രഷ് ആണെങ്കില്‍ ഇവരില്‍ പലപ്പോഴും നാവ്, ചുണ്ടുകള്‍, ഉള്‍ ഭാഗത്തെ കവിളുകള്‍, അണ്ണാക്ക്, വായുടെ പിന്‍ഭാഗം, എന്നീ ഭാഗങ്ങളില്‍ വെള്ളയും മഞ്ഞയും കലര്‍ന്ന പാടുകള്‍ ഉണ്ടാവുന്നു. ഇത് പാട പോലെ കാണപ്പെടുന്നു. തുടക്കുമ്പോഴോ കഴുകുമ്പോഴോ ഈ പാട് മാറുന്നില്ല. കുഞ്ഞുങ്ങളില്‍ ഇത് അതികഠിനമായ വേദന ഉണ്ടാക്കുന്നു. ചുണ്ടുകള്‍ക്ക് ചുവപ്പ് നിറവും വായക്ക് ചുറ്റും ചുവപ്പ് നിറവും കാണപ്പെടുന്നു. അസ്വസ്ഥതകള്‍ കുഞ്ഞ് കാണിച്ച് കൊണ്ടേ ഇരിക്കുന്നു.

ചികിത്സ എപ്രകാരം?

കുഞ്ഞില്‍ ത്രഷ് ഉണ്ടെങ്കില്‍ അതിനെ എങ്ങനെ ചികിത്സിക്കണം എന്ന് നമുക്ക് നോക്കാം. ഡോക്ടറെ ഉടന്‍ തന്നെ കാണിക്കാന്‍ ശ്രദ്ധിക്കണം. ഇതോടൊപ്പം ഡോക്ടര്‍ തരുന്ന ആന്റി ഫംഗല്‍ മരുന്നുകള്‍ നിര്‍ബന്ധമായും കൊടുക്കണം. ഡ്രോപ്പര്‍ ഉപയോഗിച്ച് വായയുടെ ബാധിത ഭാഗങ്ങളില്‍ എല്ലാം ഇവ പ്രയോഗിക്കാവുന്നതാണ്. ഇത് കൂടാതെ ഡോക്ടര്‍ നിര്‍ദ്ദേശിച്ച അളവില്‍ തന്നെ കുഞ്ഞിന് ഡ്രോപ്പര്‍ നല്‍കുന്നതിനും ശ്രദ്ധിക്കണം. ഭക്ഷണം കഴിച്ച് 30 മിനിറ്റ് ഉള്ളില്‍ തന്നെ മരുന്ന് നല്‍കാന്‍ ശ്രദ്ധിക്കണം. മരുന്നുകള്‍ നല്‍കുന്നതിനുള്ള കൃത്യമായ രീതിക്കായി നിങ്ങള്‍ക്ക് ഡോക്ടറുടെ സഹായം തേടാം.

ശ്രദ്ധിക്കേണ്ടത്: ഇന്റര്‍നെറ്റില്‍ നിന്നും ലഭ്യമായ വിവരങ്ങളുടെ അടിസ്ഥാനത്തിലാണ് ഈ ലേഖനം തയ്യാറാക്കിയിരിക്കുന്നത്. ഇതില്‍ നല്‍കിയ രീതി പിന്തുടരുന്നതിന് മുന്‍പ് ഡോക്ടറേയോ ഇതുമായി ബന്ധപ്പെട്ട വിദഗ്ദനേയോ കണ്ട് കൃത്യമായ രീതി ഉറപ്പ് വരുത്തേണ്ടതാണ്.