കുഞ്ഞുങ്ങളെ മലിനീകരണത്തില്‍ നിന്ന് സംരക്ഷിക്കാം

കൃത്രിമ എയര്‍ പ്യുരിഫയറുകള്‍ ഒഴിവാക്കുക

വിപണിയില്‍ പല തരത്തിലുള്ള എയര്‍ പ്യൂരിഫയറുകള്‍ ലഭ്യമാണ്. വിവിധ ബ്രാന്‍ഡുകളിലുള്ള പ്യൂരിഫയറുകളുടെ പരസ്യങ്ങളും നമ്മള്‍ പതിവായി കാണാറുണ്ട്. ലബോറട്ടറികളില്‍ നിര്‍മ്മിക്കുന്ന, കൃത്രിമ ഘടകങ്ങള്‍ ചേര്‍ത്ത ഉത്പന്നങ്ങളാണിവ. ഇവ എത്രത്തോളം സുരക്ഷിതമാണെന്നോ, ചെറിയ കുട്ടികളെ എങ്ങനെ ബാധിക്കുമെന്നോ നമുക്ക് അറിയില്ല. കഴിയുന്നിടത്തോളം ഇത്തരം ഉത്പന്നങ്ങളുടെ ഉപയോഗം ഒഴിവാക്കുക.

വീട്ടിലെ എയര്‍ പ്യൂരിഫയിങ്ങ് പ്ലാന്‍റ്

കൃത്രിമ എയര്‍ പ്യൂരിഫയറുകള്‍ ഉപയോഗിക്കുന്നതിന് പകരം പ്രകൃതിദത്തമായവ ഉപയോഗിക്കുക. വീട്ടില്‍ തന്നെ എയര്‍ പ്യൂരിഫയിങ്ങ് പ്ലാന്‍റുകള്‍ സ്ഥാപിക്കാം. റബ്ബര്‍ പ്ലാന്‍റ്, സ്നേക്ക് പ്ലാന്‍റ്, സ്പൈഡര്‍ പ്ലാന്‍റ്, ആലോ വേര പ്ലാന്‍റ് എന്നിങ്ങനെ.

രോഗപ്രതിരോധശേഷി വളര്‍ത്തുക

ഏത് പ്രായത്തിലും ആരോഗ്യത്തോടെ ജീവിക്കുന്നതിന് ശക്തമായ രോഗപ്രതിരോധശേഷി ആവശ്യമാണ്. ശൈശവത്തില്‍ തന്നെ ഇതിന് അടിത്തറയിടുന്നത് ശക്തമായ രോഗപ്രതിരോധശേഷി നല്കും. വീട്ടില്‍ നിര്‍മ്മിച്ച ഭക്ഷണങ്ങള്‍ ഉപയോഗിക്കുകയും കൃത്രിമ രുചികള്‍ ചേര്‍ത്തവ ഒഴിവാക്കുകയും ചെയ്യുക. പുറമേ നിന്നുള്ള ഭക്ഷണം കുറയ്ക്കുകയും പഴങ്ങളും പച്ചക്കറികളും ആഹാരത്തില്‍ ഉള്‍പ്പെടുത്തുകയും ചെയ്യുക.

മുലപ്പാല്‍

ആരോഗ്യകരമായ ജീവിതത്തിന് ഒരു മികച്ച അടിത്തറ ആരംഭിക്കുന്നത് കുഞ്ഞിന് മുലപ്പാല്‍ നല്കുന്നത് മുതലാണ്. കുഞ്ഞുങ്ങള്‍ക്ക് ഏറ്റവും മികച്ചതും അവശ്യവുമായ ഘടകമാണ് മുലപ്പാല്‍.

തിരക്കേറിയ സ്ഥലങ്ങള്‍ ഒഴിവാക്കുക

കു‍ഞ്ഞിനെ മലിനീകരണത്തില്‍ നിന്ന് സംരക്ഷിക്കാനുള്ള ഒരു മാര്‍ഗ്ഗമാണ് തിരക്കേറിയ സ്ഥലങ്ങള്‍ കഴിയുന്നിടത്തോളം ഒഴിവാക്കുന്നത്.

മീഡിയ ഉപയോഗം നിയന്ത്രിക്കുക

ശബ്ദമലിനീകരണത്തിന്‍റെ കാര്യത്തില്‍ വീട്ടില്‍ തന്നെ മറഞ്ഞിരിക്കുന്ന പല കാരണങ്ങളുമുണ്ട്. ടെലിവിഷന്‍ ഉപയോഗം നിയന്ത്രിക്കുകയും ശബ്ദം കുറച്ച് വെയ്ക്കുകയും ചെയ്യുക.