കുട്ടികളെ ഉറക്കുമ്പോള്‍.....

നിശ്ചിത സമയം

കുട്ടികള്‍ക്ക് ഉറങ്ങാന്‍ ഒരു നിശ്ചിത സമയം തീരുമാനിക്കലാണ് പരമപ്രധാനം. ഇതുവഴി ഉറക്കം പ്രധാനപ്പെട്ട ശീലങ്ങളിലൊന്നാണെന്ന് കുട്ടികള്‍ക്ക് മനസിലാകും.

രാത്രി ഭക്ഷണം

ഉറങ്ങും മുമ്പ് കുട്ടി രാത്രി ഭക്ഷണം കഴിച്ചുവെന്ന് ഉറപ്പാക്കണം. അല്ലാത്തപക്ഷം രാത്രി വിശപ്പ് മൂലം ഭക്ഷണം ചോദിച്ച് എഴുന്നേല്‍ക്കാന്‍ സാധ്യതയുണ്ട്. ഈ സമയം ഭക്ഷണം നല്‍കുന്നത് ഉറക്കം നഷ്ടപ്പെടുത്താനും വഴിയൊരുക്കും.

വസ്ത്രധാരണം

കുളിപ്പിച്ച ശേഷം അയഞ്ഞതും ആശ്വാസപ്രദമുള്ളതുമായ രാത്രി വസ്ത്രം ധരിപ്പിക്കുക. നിര്‍ബന്ധമായും ശീലിപ്പിക്കേണ്ട കാര്യമാണ് ഇത്.

ആരോഗ്യകരമായ ശീലങ്ങള്‍

ഉറങ്ങും മുമ്പ് മുഖംകഴുകുന്നതും പല്ലുതേക്കുന്നതും നാപ്കിന്‍ മാറ്റുന്നതുമായ കാര്യങ്ങള്‍ ശീലിപ്പിക്കുക. മലവിസര്‍ജനം നടത്തണമെങ്കില്‍

അതിനും അവസരം നല്‍കുക. ആരോഗ്യകരമായ ശീലങ്ങളില്‍ പരമപ്രധാനമാണ് ഇത്.

കഥ പറഞ്ഞുകൊടുക്കുക

കുട്ടികളെ ഉറക്കാന്‍ കിടത്തിയ ശേഷം മാസികകളും മറ്റും വായിച്ച് കൂടെ കിടക്കുന്നവര്‍ ഉണ്ട്. അതിന് പകരം ഒരു ചെറിയ കഥ പറഞ്ഞുകൊടുത്തുനോക്കൂ. അവര്‍ എളുപ്പത്തില്‍ ഉറങ്ങും. നിങ്ങളുടെ ശബ്ദം കുട്ടികളില്‍ ആശ്വാസം നിറക്കുന്നത് അവരുടെ ഉറക്കത്തിന് സഹായിക്കും.

ചെറിയ സംഗീതം

സംഗീതത്തോളം മനസിനെ ശാന്തമാക്കുന്ന ഒന്നില്ല. കുട്ടികളുടെ കാര്യത്തിലും ഇതുതനെനയാണ് വസ്തുത. മൃദു സംഗീതത്തോടെയുള്ള പാട്ട് കേള്‍ക്കുന്നത് കുട്ടികളുടെ ഉറക്കത്തെ ഏറെ സഹായിക്കും.

ഗുഡ്നൈറ്റ് ശീലമാക്കുക

ഉറങ്ങാന്‍ സമയമാകുമ്പോള്‍ കുട്ടികളോട് ഗുഡ്നൈറ്റ് പറയുക. ഇതുവഴി ഉറങ്ങാന്‍ സമയമായെന്ന് കുട്ടികള്‍ക്ക് മനസിലാകും. കെട്ടിപ്പിടിച്ച് ഒരു ഉമ്മ നല്‍കിയാല്‍ കുട്ടികള്‍ക്ക് കൂടുതല്‍ സന്തോഷമാകും.

കിടപ്പുമുറി

കുട്ടികള്‍ക്ക് സുഖം തോന്നാത്ത അന്തരീക്ഷത്തില്‍ കിടത്തി ഉറക്കരുത്.കുട്ടികള്‍ക്ക് ഇഷ്ടമുള്ള എന്തെങ്കിലും തലയിണയോ കളിപ്പാട്ടമോ കിടക്കയില്‍വെക്കുക.