വസ്ത്രം കുഞ്ഞുറക്കം കെടുത്തല്ലേ..

ഇടുന്ന വസ്ത്രം കുഞ്ഞിന് അസ്വസ്ഥതയുണ്ടാക്കരുത്. കോട്ടന്‍ വസ്ത്രങ്ങളായിരിക്കും രാത്രി ധരിക്കാന്‍ നല്ലത്. വൃത്തിയാക്കാനും കോട്ടന്‍ വസ്ത്രങ്ങള്‍ നല്ലതാണ്. കുട്ടികള്‍ക്ക് രാത്രി ധരിക്കാന്‍ പൈജാമ നല്ല വസ്ത്രമാണ്.

കാര്‍ട്ടൂണ്‍ ചിത്രങ്ങളുള്ള വസ്ത്രങ്ങള്‍ ഇടാന്‍ കുഞ്ഞുങ്ങള്‍ക്കും താല്‍പര്യമായിരിക്കും. ഇക്കാര്യം മനസില്‍ വച്ച് വസ്ത്രങ്ങള്‍ തെരഞ്ഞെടുക്കാം.

കുഞ്ഞിന് അലോസരമുണ്ടാക്കാതെ ഡയപ്പര്‍ മാറ്റാന്‍ സൗകര്യമുള്ള വസ്ത്രങ്ങള്‍ എടുക്കുക. ബട്ടനുളള വസ്ത്രങ്ങളാണെങ്കില്‍ തുറക്കാനും എളുപ്പമാണ്. കൈനീളമുള്ള വസ്ത്രങ്ങള്‍ തണുപ്പില്‍ നിന്നും കൊതുകില്‍ നിന്നും സംരക്ഷിക്കും.

രാത്രി ധരിക്കാനുള്ളതു കൊണ്ടുതന്നെ ലളിതമായ വേഷങ്ങള്‍ തെരഞ്ഞടുക്കണം. അയവുള്ള വസ്ത്രങ്ങള്‍ തെരഞ്ഞെടുക്കാന്‍ പ്രത്യേകം ശ്രദ്ധിക്കുക. ഇതായിരിക്കും അവര്‍ക്ക് ധരിക്കാന്‍ സുഖപ്രദം.