ഉണ്ണീയുറങ്ങുറങ്ങൂ.......

ഉറക്കം, ഭക്ഷണം തുടങ്ങിയ കാര്യങ്ങള്‍ കുഞ്ഞുങ്ങളില്‍ അടിച്ചേല്‍പ്പിക്കാന്‍ പററില്ല. അതുകൊണ്ട് വല്ലാതെ നിര്‍ബന്ധിച്ച് കുഞ്ഞുങ്ങളെ ഉറക്കത്തിലേക്ക് തളളിവിടുന്നതിനേക്കാള്‍ നല്ലത് ഉറങ്ങാന്‍ പറ്റിയ ഒരു അന്തരീക്ഷം സൃഷ്ടിച്ചെടുക്കുകയെന്നതാണ്.

കുഞ്ഞുങ്ങളെ ഒറ്റക്ക് ഉറങ്ങാന്‍ കിടത്താതെ അമ്മയോ അച്ഛനോ കൂടെക്കിടക്കുക. ലൈറ്റുകള്‍ കെടുത്തി സംസാരം നിര്‍ത്തി ഉറങ്ങിയതു പോലെ കാണിച്ചാല്‍ കുഞ്ഞിന് ഉറങ്ങാനുളള സമയമാണെന്ന ഏകദേശധാരണ വരും.

ഉറങ്ങാന്‍ അസ്വസ്ഥത കാണിച്ചാല്‍ അതിനുളള കാരണം എന്തെന്ന് മനസിലാക്കണം. അസുഖം മൂലമോ വിശപ്പു കാരണമോ കുഞ്ഞുങ്ങള്‍ ഉറങ്ങാതിരിക്കും.

കുഞ്ഞുങ്ങള്‍ക്ക് സുഖമായി ഉറങ്ങാന്‍ പറ്റിയ സ്ഥലം ഏതെന്ന് തീരുമാനിക്കണം. ചിലര്‍ കുഞ്ഞുങ്ങളെ തനിയെ കിടത്തും. കുഞ്ഞുങ്ങള്‍ക്കൊപ്പം കിടന്ന് അവര്‍ ഉറങ്ങിയെന്ന ഉറപ്പുവരുത്തിയ ശേഷമേ എഴുന്നേറ്റു പോരാവൂ. കൈക്കുഞ്ഞുങ്ങളെ എ്‌പ്പോഴും അമ്മക്കൊപ്പം കിടത്തുന്നത് തന്നെയാണ് നല്ലത്. അമ്മയുടെ സാമീപ്യം കുഞ്ഞിന് സുരക്ഷിതത്വം നല്‍കും.

കുഞ്ഞുങ്ങളെ കിടത്തുന്നതിന് ഉപയോഗിക്കുന്ന കിടക്ക മൃദുവായിരിക്കണം. തൊട്ടിലില്‍ കിടത്തിയാട്ടി കുഞ്ഞുങ്ങളെ ഉറക്കുന്നതും നല്ലതാണ്. പാട്ടു വച്ചു കൊടുത്തോ താരാട്ടുപാട്ടു പാടിയോ കുഞ്ഞിനെ ഉറക്കാം. കുറച്ചു വലുതായാല്‍ കഥ പറഞ്ഞുകൊടുക്കുന്നതും നല്ലതാണ്.

ദിവസവും ഒരു കൃത്യസമയത്ത് എല്ലാവരും ഉറങ്ങണം. ഇത് കൃത്യമായ സമയത്ത് ഉറങ്ങാനുളള പരിശീലനം കുഞ്ഞിന് നല്‍കും.