സ്വർണ വിലയിൽ റെക്കോർഡ് കുതിപ്പ്; ഇന്ന് മാത്രം വർദ്ധിച്ചത് 840 രൂപ, സാധാരണക്കാർക്ക് കൈപൊള്ളുന്നു

സ്വർണം വാങ്ങാൻ ആഗ്രഹിക്കുന്നവർക്ക് ആശങ്ക പകർന്ന് സംസ്ഥാനത്തെ സ്വർണ വില പുതിയ ചരിത്ര റെക്കോർഡുകൾ സൃഷ്ടിക്കുന്നു. ജനുവരി 8-ന് വിലയിൽ നേരിയ കുറവുണ്ടായെങ്കിലും, ജനുവരി 9-ന് രണ്ട് തവണയായി വില വർദ്ധിക്കുകയും അതിന്റെ തുടർച്ചയായി ഇന്ന് പവന് 840 രൂപ വീണ്ടും ഉയരുകയുമാണ് ചെയ്തത്. സാധാരണക്കാർക്ക് താങ്ങാവുന്നതിലും അപ്പുറത്തേക്ക് വില കുതിക്കുന്നത് വിപണിയിൽ വലിയ ആശങ്കയുണ്ടാക്കുന്നുണ്ട്.

കേരളത്തിലെ സ്വർണ വിപണി സജീവമാണെങ്കിലും, തുടർച്ചയായുള്ള ഈ വിലക്കയറ്റം ആഭരണപ്രേമികളെയും വിവാഹ ആവശ്യങ്ങൾക്കായി സ്വർണം വാങ്ങാനിരിക്കുന്നവരെയും കാര്യമായി ബാധിക്കുന്നു. പവൻ വില ഒരു ലക്ഷം രൂപ എന്ന നാഴികക്കല്ലും പിന്നിട്ട് മുന്നേറുമ്പോൾ, വിലയിലെ കയറ്റിറക്കങ്ങൾ അപ്രതീക്ഷിതമാവുന്നു. 2026-ലും സ്വർണത്തിന്റെ കുതിപ്പ് തുടരുമെന്നാണ് സാമ്പത്തിക വിദഗ്ധരുടെ പ്രവചനം.

ആഭരണപ്രേമികൾക്ക് നിരാശ; സ്വർണ വിലയിൽ വീണ്ടും കുതിപ്പ്. ആഗോള വിപണിയിലെ മാറ്റങ്ങൾ വിനയാകുന്നു

സുരക്ഷിത നിക്ഷേപമെന്ന നിലയിൽ സ്വർണത്തിനുള്ള ഡിമാൻഡ് വർദ്ധിക്കുന്നതാണ് ഈ കുതിപ്പിന് പ്രധാന കാരണമാകുന്നത്. ഭൗമരാഷ്ട്രീയ സംഘർഷങ്ങളും ആഗോള സാമ്പത്തിക അനിശ്ചിതത്വങ്ങളും അന്താരാഷ്ട്ര വിപണിയിൽ സ്വർണ വില ഉയരാൻ കാരണമാകുന്നുണ്ട്. ഇതിനൊപ്പം രൂപയുടെ മൂല്യത്തകർച്ചയും പ്രാദേശിക വിപണിയിൽ പ്രതിഫലിക്കുന്നു. വരും ദിവസങ്ങളിലും വിപണിയിൽ വലിയ ചാഞ്ചാട്ടങ്ങൾ പ്രതീക്ഷിക്കുന്നതിനാൽ, സ്വർണം വാങ്ങുന്നതിനു മുന്നേ വിപണിയിലെ മാറ്റങ്ങൾ മനസിലാക്കണം.

ഇന്നത്തെ സ്വർണ വില

ഇന്ന് ഒരു ഗ്രാമിന് 105 രൂപ ഉയർന്ന് 12,875 രൂപയായി. ഒരു പവന് 840 രൂപ ഉയർന്ന് 1,03,000 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 1,28,750 രൂപയാവുന്നു. 24 കാരറ്റ് സ്വർണം ഒരു ഗ്രാമിന് 115 രൂപ ഉയർന്ന് 14,046 രൂപയും, പവന് 920 രൂപ ഉയർന്ന് 1,12,368 രൂപയുമാവുന്നു. 18 കാരറ്റിന് ഒരു ഗ്രാമിന് 86 രൂപ ഉയർന്ന് 10,534 രൂപയും, പവന് 688 രൂപ ഉയർന്ന് 84,272 രൂപയുമായി.

ഇന്ന് രാജ്യാന്തര സ്വർണ വിലയിൽ വമ്പൻ കുതിപ്പുണ്ടായി. അതാണ് കേരളത്തിലും സ്വർണ വില റെക്കോർഡിലേക്ക് ഉയർന്നത്. സ്പോട്ട് സ്വർണ വില ഔൺസിന് 4,509.2 ഡോളറിലെത്തി. 4,500 ഡോളർ കടന്നതോടെ സ്വർണത്തിന് ആവേശം വർദ്ധിച്ചിട്ടുണ്ട്.

സ്വർണ വിലയിലെ റെക്കോർഡ് കുതിപ്പിന് ബ്രേക്ക്; പവന് ഇന്ന് 200 രൂപ കുറഞ്ഞു. നിക്ഷേപകർ ലാഭമെടുപ്പിലേക്ക്

സ്വർണാഭരണ വില

ഇന്ന് ഒരു പവൻ സ്വർണാഭരണം വാങ്ങാൻ 1,11,440 രൂപ കരുതേണ്ടി വരും. ഒരു ഗ്രാം ആഭരണത്തിന് 13,970 രൂപയോളവും ചിലവഴിക്കേണ്ടി വരും. 3% ജിഎസ്ടി, ഹോൾമാർക്ക് ഫീസ്, 5% മിനിമം പണിക്കൂലി എന്നിവയും ഈടാക്കുമ്പോഴാണ് ആഭരണ വില കണക്കാക്കുന്നത്. പണിക്കൂലി 10 ശതമാനമാണെങ്കിൽ ഒരു പവൻ ആഭരണത്തിൻ്റെ വില 1,16,750 രൂപയായിരിക്കും. അതായത് പണിക്കൂലി 30 ശതമാനം വരെ ഉയരും. അതിനാൽ ആഭരണ വില ഇതിലും ഉയരാൻ സാധ്യതയുണ്ട്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.

Credit: Goodreturns