For Quick Alerts
ALLOW NOTIFICATIONS  
For Daily Alerts

ഈ വര്‍ഷത്തെ ഏറ്റവും ദൈര്‍ഘ്യമേറിയ ദിനം: അറിയാം സമ്മര്‍ സോള്‍സൈറ്റിസ്

|

വര്‍ഷത്തിലെ ഏറ്റവും ദൈര്‍ഘ്യമേറിയ ദിവസം എന്നും അറിയപ്പെടുന്ന സമ്മര്‍ സോള്‍സൈറ്റിസ് ജൂണ്‍ 21-ന് ചൊവ്വാഴ്ചയാണ് വരുന്നത്. ഈ ദിനത്തിന്റെ പ്രത്യേകത എന്താണെന്ന് വെച്ചാല്‍ ഈ ദിനത്തിന് പകല്‍ സമയം കൂടുതലായിരിക്കും എന്നതാണ്. ഭൂമിയുടെ ധ്രുവങ്ങളിലൊന്ന് സൂര്യനിലേക്ക് പരമാവധി ചരിഞ്ഞിരിക്കുമ്പോഴാണ് വേനല്‍ സംക്രമം ഉണ്ടാവുന്നത്. ഇതിനെ അയനകാലം എന്നും അയനാന്തം എന്നും പറയുന്നുണ്ട്. വടക്കന്‍ അര്‍ദ്ധഗോളത്തില്‍, ചൊവ്വാഴ്ച അതായത് ജൂണ്‍ 21 രാവിലെ 5:14 നാണ് ഈ പ്രതിഭാസം സംഭവിക്കുന്നത്. ഈ സമയത്ത് ഭൂമിയുടെ ഉത്തരധ്രുവം സൂര്യനോട് ഏറ്റവും അടുത്ത് ചരിഞ്ഞ് കാണപ്പെടുന്നു.

അയനാന്തത്തില്‍ സംഭവിക്കുന്ന മാറ്റങ്ങള്‍

എന്തൊക്കെ മാറ്റങ്ങളാണ് അയനാന്തത്തില്‍ അഥവാ സമ്മര്‍ സോള്‍സൈറ്റിസില്‍ സംഭവിക്കുന്നത് എന്ന് നമുക്ക് നോക്കാവുന്നതാണ്. ഭൂമിയുടെ ഭ്രമണ പഥത്തില്‍ ഉത്തരധ്രുവം ഏറ്റവും അധികം സൂര്യനിലേക്ക് ചരിഞ്ഞിരിക്കുന്ന സമയമാണ് ഇത്. ഈ സമയത്ത് പകല്‍ സമയം വര്‍ദ്ധിക്കുകയും സൂര്യന്‍ ആകാശത്തിലെ ഏറ്റവും ഉയര്‍ന്ന സ്ഥാനത്ത് എത്തുകയും ചെയ്യുന്നു. വേനല്‍ക്കാലത്താണ് ഇത് സംഭവിക്കുന്നത്. എന്നാല്‍ പലപ്പോഴും കലണ്ടറിലെ മാറ്റങ്ങള്‍ അനുസരിച്ച് പലപ്പോഴും വടക്കന്‍ അര്‍ദ്ധഗോളത്തില്‍ ജൂണ്‍ 20-നും 22-നും ഇടയിലുള്ള സമയത്തും ദക്ഷിണാര്‍ദ്ധഗോളത്തില്‍ ഇത് ഡിസംബര്‍ 20-നും 23-നും ഇടയിലാണ് സംഭവിക്കുന്നത്. ഈ സമയത്തെ സോളിസൈറ്റിസിനെ വിന്റര്‍ സോളിസൈറ്റിസ് എന്നാണ് പറയുന്നത്.

എന്തുകൊണ്ട് ഇത് സംഭവിക്കുന്നു

എന്തുകൊണ്ടാണ് ഇത്തരത്തിലുള്ള സോളിസൈറ്റ്‌സുകള്‍ സംഭവിക്കുന്നത് എന്ന് നമുക്ക് നോക്കാവുന്നതാണ്. സൗരയൂഥത്തില്‍ തന്നെ ഇതിനുള്ള ഉത്തരവും ഉണ്ട്. ശതകോടിക്കണക്കിന് വര്‍ഷങ്ങള്‍ക്ക് മുമ്പ് മറ്റ് പാറകളുമായി സംഭവിച്ച കൂട്ടിയിടി കാരണം ഭൂമി അതിന്റെ അച്ചുതണ്ടിലേക്ക് തരിയുകയുണ്ടായി. ഇതിന്റെ ഫലമായാണ് ഋതുക്കള്‍ മാറുന്നതും സോള്‍സൈറ്റിസ് സംഭവിക്കുന്നതും. ഭൂമി സൂര്യനുചുറ്റും കറങ്ങുമ്പോള്‍ 23.4 ഡിഗ്രി അതിന്റെ അച്ചുതണ്ടില്‍ ചരിഞ്ഞ അവസ്ഥയിലാണ് ഉള്ളത്. ഇത് കൊണ്ടാണ് നമുക്ക് ഇത്തരം സോള്‍സൈറ്റിസുകള്‍ ഉണ്ടാവുന്നത് എന്നാണ് പറയുന്നത്.

പാരമ്പര്യങ്ങള്‍ എന്തൊക്കെ?

പുരാതന കാലം മുതല്‍ തന്നെ ഇത്തരം ആകാശവിസ്മയങ്ങളില്‍ പാരമ്പര്യത്തെക്കൂടി ഉള്‍പ്പെടുത്തുന്നവര്‍ ഉണ്ടായിരുന്നു. കര്‍ഷകര്‍ വിളകള്‍ വിതയ്ക്കുകയോ വിളവെടുപ്പ് നടത്തുകയോ ചെയ്ത ദിവസത്തെ അടയാളപ്പെടുത്തുന്ന ദിനം കൂടിയാണ് ഇത്. 4,500 വര്‍ഷം പഴക്കമുള്ളതായി വിശ്വസിക്കപ്പെടുന്ന ഇംഗ്ലണ്ടിലെ ചരിത്രാതീത സ്മാരകമായ സ്റ്റോണ്‍ഹെഞ്ച്, സമയം നിര്‍ണയിക്കുന്നതിന് വേണ്ടി ഈ ദിനത്തെ കണക്കാക്കുന്നുണ്ട്. ഇപ്പോഴും വിനോദസഞ്ചാരികളും പ്രദേശവാസികളും സമ്മര്‍ സോളിസൈറ്റിസില്‍ സൂര്യോദയം കാണാന്‍ സ്റ്റോണ്‍ഹെഞ്ചിലേക്ക് എത്തുന്നുണ്ട്.

സാമുദ്രിക ശാസ്ത്രപ്രകാരം കാലില്‍ മറുകെങ്കില്‍ ഫലം ഇപ്രകാരം

most read: ജൂണ്‍ മാസത്തിലെ ന്യൂമറോളജി ഫലം നിങ്ങള്‍ക്ക് നല്‍കുന്നത്

English summary

Summer Solstice 2022: Meaning, Date, Traditions, Why it is the Longest day of year in Malayalam

Here in this article we are discussing about the meaning, date, traditions of summer solstice in malayalam. Take a look
Story first published: Monday, June 20, 2022, 21:03 [IST]
X
Desktop Bottom Promotion