മെറ്റേണിറ്റി ഫോട്ടോഷൂട്ടുമായി ലിലികയും വൈറല്‍

ഇന്നത്തെ കാലത്ത് മെറ്റേണിറ്റി ഫോട്ടോഷൂട്ടുകള്‍ ധാരാളം നാം കണ്ടിട്ടുണ്ട്. ഗര്‍ഭകാലം അരുതുകളുടേതല്ല നമ്മുടെ ഇഷ്ടങ്ങളുടേത് കൂടിയാണ് എന്നുള്ളതാണ് ഇത് സൂചിപ്പിക്കുന്നത്. തന്‍റെ കൺമണിയെ ആഘോഷത്തോടെ സ്വീകരിക്കുന്ന അമ്മമാരുടെ സന്തോഷം അവരുടെയെല്ലാം മെറ്റേണിറ്റി ഫോട്ടോഷുട്ടീൽ മുഖത്ത് കാണാവുന്നതാണ്. അതുകൊണ്ട് തന്നെ ഇന്ന് പലരും മെറ്റേണിറ്റി ഫോട്ടോഷൂട്ടിന് പ്രാധാന്യം നല്‍കുന്നതും.

എന്നാൽ മനുഷ്യരുടെ മെറ്റേണിറ്റി ഫോട്ടോഷൂട്ട് ആണ് നമ്മളെല്ലാവരും കണ്ടിരിക്കുന്നത്. പക്ഷേ ഇന്ന് സോഷ്യൽ മീഡിയയിൽ വൈറലായിരിക്കുന്ന ഒരു മെറ്റേണിറ്റി ഷൂട്ടിനെക്കുറിച്ചാണ് ഈ ലേഖനം. വളർത്തുനായയുടെ മെറ്റേണിറ്റി ഷൂട്ട് ആണ് ഇവിടെ ഇന്ന് സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. എന്നാൽ ഈ ചിത്രങ്ങൾ 2016-ലേതാണ് എന്നതാണ് മറ്റൊരു കാര്യം.

കൂടുതൽ വായനക്ക്: കലിപ്പോടെ ഭൂമിയിലേക്ക് വന്ന ഈ കുഞ്ഞാണ് ഇന്ന് താരം

ബ്രസീലിയൻ ഫോട്ടോ ഗ്രാഫറായ അന്ന പോൾ ഗ്രില്ലോയാണ് ഇത്തരം ഒരുവ്യത്യസ്തമായ ഫോട്ടോഷൂട്ട് ചെയ്തത്. എന്നാല്‍ ഈ ചിത്രങ്ങൾ അന്ന് പോസ്റ്റ് ചെയ്തപ്പോൾ ലഭിച്ചതിനേക്കാൾ റീച്ച് ആണ് ഇന്ന് ലഭിച്ചിരിക്കുന്നത്. ഇതാണ് ഇപ്പോൾ വൈറലായിരിക്കുന്നത്. അന്നയുടടെ സുഹൃത്തിന്‍റെ നായയാണ് ഇതിലെ മോഡൽ. നിറവയറുമായി നില്‍ക്കുന്ന ഈ മോഡൽ ഏത് രീതിയിൽ വേണമെന്നുണ്ടെങ്കിലും ഫോട്ടോക്ക് പോസ് ചെയ്യുന്നതാണ് നിങ്ങൾക്ക് ഈ ചിത്രത്തിൽ കാണാനാവുക.

എന്നാൽ ഫോട്ടോഷൂട്ടിന് അടുത്ത ദിവസം തന്നെ ലിലിക പ്രസവിക്കുകയും ചെയ്തിരുന്നു. അ‍ഞ്ച് മക്കളാണ് ലിലികക്ക് ഉണ്ടായത്. ലിലിക നിറവയറുമായി നിൽക്കുന്ന ചിത്രങ്ങളും കുഞ്ഞുങ്ങളോടൊപ്പം നിൽക്കുന്ന ചിത്രങ്ങളും അന്ന പങ്കു വെച്ചിട്ടുണ്ട്. 2016-ൽ എടുത്ത ഫോട്ടോഷൂട്ട് വീണ്ടും വൈറലായി സോഷ്യൽ മീഡിയയിൽ അങ്ങോളമിങ്ങോളം വൈറലായിക്കൊണ്ടിരിക്കുകയാണ്. ലിലികയുടെ കൂടുതൽ ചിത്രങ്ങൾ നിങ്ങൾക്ക് കാണാം.