മകളുടെ വേഷത്തിൽ ജയിൽചാടാൻ ശ്രമിച്ചു; ഒടുവിൽ മരണം

മുഖം മൂടിയും വസ്ത്രവും

മുഖം മൂടിയും വസ്ത്രവും മാറ്റി ഇയാൾ വേഷപ്രശ്ചന്നം നടത്തുന്നതിന്റെ ദൃശ്യങ്ങൾ ജയിൽ അധികൃതർക്ക് ലഭിച്ചിട്ടുണ്ട്. നിമിഷ നേരം കൊണ്ടാണ് ഈ വീഡിയോ സോഷ്യൽ മീഡിയയിൽ വൈറലായി മാറിയത്. സംഭവത്തെത്തുടർന്ന് മറ്റ് പ്രതികൾക്കും അതീവ സുരക്ഷയാണ് ഇപ്പോള്‍ ജയിലധികൃതർ ഒരുക്കിയിട്ടുള്ളത്.

എഴുപത്തി മൂന്ന് വർഷത്തെ തടവ്

ക്രിമിനൽ പശ്ചാത്തലമുള്ള ഇയാള്‍ക്ക് കോടതി എഴുപത്തിമൂന്ന് വര്‍ഷത്തെ ശിക്ഷയാണ് വിധിച്ചത്. ഇതിനിടെയാണ് ഇയാൾ ആൾമാറാട്ടം നടത്തി രക്ഷപ്പെടുന്നതിന് വേണ്ടി ശ്രമം നടത്തിയത്. ശനിയാഴ്ചയാണ് ഈ സാഹസത്തിന് ഇയാൾ മുതിർന്നത്. ഉയർന്ന സെക്യൂരിറ്റിയാണ് ഇവിടെ ഉള്ളതെങ്കിലും ഇതെല്ലാം കബളിപ്പിച്ചാണ് ഇയാൾ രക്ഷപ്പെടുന്നതിന് ശ്രമിച്ചത്.

മരണപ്പെട്ട നിലയിൽ

മരണപ്പെട്ട നിലയിൽ പിന്നീട് ഇയാളെ കണ്ടെത്തുകയായിരുന്നു. ഇന്നലെയാണ് ഇയാളെ ജയിൽ ചാടിയതിന് ശേഷം കണ്ടെത്തിയത്. എന്നാൽ അതിന് ശേഷം സെല്ലിൽ പ്രതിയെ മരിച്ച നിലയിൽ കണ്ടെത്തുകയാണ് ഉണ്ടായത്. ബെഡ്ഷീറ്റ് ഉപയോഗിച്ച് തൂങ്ങിമരിച്ച നിലയിലാണ് ഇയാളെ കണ്ടെത്തിയത്.

മരണത്തെക്കുറിച്ച് അന്വേഷണം

മരണത്തെക്കുറിച്ച് ജയിൽ അധികൃതർ വിശദമായ അന്വേഷണം നടത്തുന്നുണ്ട്. ബ്രസീലിലെ തന്നെ ഏറ്റവും അപകടകാരികളായ ക്രിമിനൽ ഗ്രൂപ്പുകളിൽ ഒന്നാണ് റെഡ് കമാന്റ്. ഇതിലെ പ്രധാന അംഗമാണ് മരണപ്പെട്ട ഈ‌ പ്രതി. ജയിൽശിക്ഷ അനുഭവിക്കുന്നതിനിടെ മരണപ്പെട്ട ഒരുകുറ്റവാളിയാണ് ഇയാൾ.

ജയിൽ അധികൃതരുടെ പ്രതികരണം

ഇയാളുടെ മരണത്തിൽ ജയിൽ അധികൃതർക്ക് നാണക്കേടാണ് ഉണ്ടായിരിക്കുന്നത്. കാരണം ബ്രസീലിലെ പല ജയിലുകളിലും ഇത്തരം മരണങ്ങൾ സാധാരണമാണ്. അതുകൊണ്ട് തന്നെ സ്ഥിരമായി മരണപ്പെട്ടിരിക്കുന്ന ജയിൽ കുറ്റവാളികളിൽ ഒരു മരണമായി തന്നെയാണ് ഇതും പുറത്തുള്ളവർ കണക്കാക്കുന്നത്. കൂടുതൽ സുരക്ഷിതമായ ജയിലിലേക്ക് മാറ്റുന്നതിന് ശ്രമിക്കുന്നതിനിടെയാണ് ഇയാളുടെ മരണം.