നിങ്ങളുടെ നഖത്തിലാണോ ഭാവിയിരിക്കുന്നത്?

നീണ്ട നഖങ്ങള്‍

പലര്‍ക്കും ഉള്ള നഖത്തിന്റെ ആകൃതി നീണ്ടതായിരിക്കും. പ്രത്യേകിച്ചും മെലിഞ്ഞ ശരീരപ്രകൃതിയുള്ളവര്‍ക്ക് നീണ്ട നഖങ്ങള്‍ തന്നെയായിരിക്കും ഉണ്ടാവുക. എന്നാല്‍ ഇത്തരക്കാര്‍ വളരെ ക്രിയേറ്റീവ് ആയി കാര്യങ്ങള്‍ ചെയ്യുന്നവരായിരിക്കും. മാത്രമല്ല ഇവരുടെ സ്വഭാവത്തെ മറ്റുള്ളവര്‍ക്ക് അത്രയേറെ പ്രിയവുമായിരിക്കും.

സ്‌ക്വയര്‍ ടൈപ്പ് നഖങ്ങള്‍

ഇപ്പോഴത്തെ ഫാഷന്‍ ട്രെന്‍ഡനുസരിച്ച് ഏറ്റവും ഭംഗിയെന്നു കരുതുന്നത് സ്‌ക്വയര്‍ ടൈപ്പ് നഖങ്ങളാണ്. ഇത്തരക്കാരുടെ ഭാവി എപ്പോഴും സുരക്ഷിതമാണ് എന്നതിന്റെ സൂചനയാണ് ഈ തരത്തിലുള്ള നഖങ്ങള്‍.

പരന്ന നഖങ്ങള്‍

നല്ല മനസ്സിനുടമകളായിരിക്കും ഇത്തരം നഖങ്ങളുള്ളവര്‍. മാത്രമല്ല വിശ്വസിക്കാന്‍ കഴിയുന്നവരും മറ്റുള്ളവരെ മനസ്സിലാക്കുന്നവരുമായിരിക്കും ഇവര്‍ എന്നതാണ് സത്യം.

ഉരുണ്ട നഖങ്ങള്‍

നഖത്തിന്റെ അഗ്രം ഉരുണ്ടിരിക്കുന്നവര്‍ക്ക് സൗഹൃദങ്ങളായിരിക്കും ഏറ്റവും വിലപ്പെട്ടത്. ഇവര്‍ സ്‌നേഹം കൊടുത്ത് സ്‌നേഹം വാങ്ങിക്കാന്‍ മിടുക്കരായിരിക്കും.

ഓവല്‍ ഷേപ്പ് നഖങ്ങള്‍

ഓവല്‍ ഷേപ്പ് നഖങ്ങള്‍ ഉള്ളവര്‍ പെട്ടെന്ന് മറ്റുള്ളവരുടെ മനസ്സില്‍ സ്ഥാനം പിടിയ്ക്കുന്നവരായിരിക്കും. കള്ളത്തരം എന്തെന്നറിയാത്ത സ്വഭാവമായിരിക്കും ഇവരുടേത്.

ത്രികോണാകൃതി

ത്രികോണാകൃതിയിലുള്ള നഖങ്ങള്‍ പൊതുവേ നമുക്കിടയില്‍ കുറവാണ്. ഇവര്‍ മറ്റുള്ളവര്‍ ചിന്തിക്കുന്നതിനേക്കാള്‍ വേഗത്തില്‍ ചിന്തിച്ച് കാര്യങ്ങള്‍ മനസ്സിലാക്കുന്നവരും തീരുമാനമെടുക്കാന്‍ കഴിവുള്ളവരും ആയിരിക്കും.

ചെറിയ നഖങ്ങള്‍

ചെറിയ നഖങ്ങളായിരിക്കും കാണാന്‍ ഭംഗിയുള്ളത്. എന്നാല്‍ ഇവര്‍ വളരെ സെന്‍സിറ്റീവ് ആയ വ്യക്തികളായിരിക്കും. പലപ്പോഴും ഒരു കാര്യത്തെക്കുറിച്ചാലോചിച്ച് ടെന്‍ഷനടിക്കാന്‍ ഇവരെ കഴിഞ്ഞേ ആളുകളുള്ളൂ.