സന്ധ്യാസമയത്ത് ഉറങ്ങിയാല്‍ കാത്തിരിക്കുന്നത് അപകടം

വിളക്കു കത്തിക്കുന്ന സമയം

വൈകുന്നേരങ്ങളില്‍ ഹിന്ദു വിശ്വാസമനുസരിച്ച് വിളക്ക് തെളിയിക്കുന്ന സമയമാണ് സന്ധ്യാസമയം. ആ സമയം ഈശ്വരന്‍ വീടുകളില്‍ വരും എന്നാണ് വിശ്വാസം. ദുഷ്ടശക്തികളെ വീട്ടില്‍ നിന്നും അകറ്റി ഈശ്വരനെ കുടിവെയ്്ക്കുന്ന സമയമായതിനാലാണ് സന്ധ്യാസമയം ഉറങ്ങരുതെന്ന് പറയുന്നത്.

ഭാഗ്യലക്ഷ്മി

ഐശ്വര്യത്തിന്റെ ദേവതയാണ് ലക്ഷ്മി, എന്നാല്‍ ഈ ലക്ഷ്മിയുടെ സഹോദരിയാണ് ചേട്ട. സന്ധ്യാ സമയങ്ങളില്‍ നമ്മള്‍ ഉറങ്ങുമ്പോള്‍ ഐശ്വര്യ ലക്ഷ്മി വരില്ലെന്നും പകരം മൂശ്ശേട്ടയെന്ന ചേട്ട വിരുന്നു വരുമെന്നുമാണ് നിലനില്‍ക്കുന്ന വിശ്വാസം.

ഉറങ്ങാനുള്ള പ്രവണത കൂടുതല്‍

മനുഷ്യ ശരീരത്തില്‍ പൊതുവേ കാണപ്പെടുന്ന മൂന്ന് പ്രവണതകളാണ് സത്വ, രജസ്, തമസ്. ഇതില്‍ തമസ് ആണ് ഉറക്കത്തെ സ്വാഗതം ചെയ്യുന്നതും.

ആരോഗ്യപരമായി ഗുണമില്ല

ഉറങ്ങുന്നത് ആരോഗ്യത്തിന് നല്ലതാണ്. എന്നാല്‍ വൈകുന്നേരങ്ങളിലെ ഉറക്കം കാരണം യാതൊരു വിധത്തിലുള്ള ആരോഗ്യഗുണവും ഇല്ലെന്നു തന്നെ പറയാം. മാത്രമല്ല രാത്രിയിലെ ഉറക്കം കളയാനും ഇതു മതി.

ദഹനപ്രശ്‌നങ്ങള്‍ വര്‍ദ്ധിപ്പിക്കുന്നു

ദഹനസംബന്ധമായ പ്രശ്‌നങ്ങളെ വൈകുന്നേരങ്ങളിലെ ഉറക്കം സ്വാഗതം ചെയ്യുന്നു. ആരോഗ്യ കാര്യങ്ങളില്‍ അത്രയേറെ ശ്രദ്ധ ചെലുത്തുന്ന ഒരാളാണെങ്കില്‍ ഒരിക്കലും വൈകുന്നേരങ്ങളില്‍ ഉറങ്ങാന്‍ പാടില്ല.

നമ്മുടെ സംസ്‌കാരത്തിനെതിര്

നമുക്ക് നമ്മുടേതായ സംസ്‌കാരമുണ്ട, സംസ്‌കാരത്തേക്കാളുപരി നമ്മുടെ ചില വിശ്വാസങ്ങള്‍. ആ വിശ്വാസത്തില്‍ പ്രധാനപ്പെട്ടതാണ് വൈകുന്നേരങ്ങളില്‍ ഉറങ്ങാന്‍ പാടില്ലെന്നത്. നമ്മള്‍ മലയാളികള്‍ പലപ്പോഴും ഇത്തരം വിശ്വാസങ്ങള്‍ മുറുകെ പിടിയ്ക്കുന്നവരുമാണ്.

ഒരു ദിവസത്തിന്റെ അവസാനം

വൈകുന്നേരം എന്നു പറയുന്നത് ഒരു ദിവസത്തിന്റെ അവസാനമാണ്. എല്ലാ ജോലികളും തീര്‍ത്ത് മനസമാധാനത്തോടെ കുടുംബത്തോടൊപ്പം ഇരിക്കേണ്ട സമയം. ആ സമയത്തെ ഉറക്കം കുടുംബത്തിന്റെ മൊത്തം സന്തോഷത്തെയാണ് ഇല്ലാതാക്കുക.

ചര്‍ച്ചാസമയം

ചാനലുകളില്‍ മാത്രം പോര ചര്‍ച്ചകള്‍. കുടുംബത്തിലും എല്ലാവരുമായും സംസാരിച്ചും അവര്‍ക്കായി അല്‍പസമയം മാറ്റിവെക്കേണ്ടതും വൈകുന്നേരങ്ങളിലാണ്.