അപകടം പതിയിരിയ്ക്കും ഭക്ഷണങ്ങള്‍!!

കശുവണ്ടിപ്പരിപ്പ്

കശുവണ്ടിപ്പരിപ്പ് ആരോഗ്യഗുണങ്ങള്‍ ഒത്തിണങ്ങിയവ തന്നെ. എന്നാല്‍ ഇതിനോട് ഫുഡ് അലര്‍ജിയുള്ളവരുണ്ട്. ഇത്തരക്കാരില്‍ ഇത് ഗുരുതരമായ പ്രശ്‌നങ്ങള്‍ സൃഷ്ടിച്ചേയ്ക്കും.

വൈല്‍ഡ് മഷ്‌റൂം

ഭക്ഷ്യയോഗ്യമായ കൂണുകളുണ്ട്. ഇതല്ലാതെ കാട്ടുകൂണ്‍ അഥവാ വൈല്‍ഡ് മഷ്‌റൂം എന്നൊന്നുണ്ട്. ഇത് കഴിയ്ക്കുന്നത് ഛര്‍ദി പോലുള്ള പ്രശ്‌നങ്ങള്‍ക്കും ചിലപ്പോള്‍ മരണത്തിനു വരേയും കാരണമാകാം.

പഫര്‍ ഫിഷ്

പഫര്‍ ഫിഷ് അഥവാ ഫുഗു എന്നറിയപ്പെടുന്ന ഒരു മത്സ്യമുണ്ട്. ഇത് ഭക്ഷ്യയോഗ്യമാണ്. എന്നാല്‍ നല്ലപോലെ വേവിച്ചു കഴിച്ചില്ലെങ്കില്‍ സയനൈഡിനേക്കാള്‍ വിഷമാണിത്.

കസാവ

കസാവ എന്ന കിഴങ്ങു വര്‍ഗത്തില്‍ പെട്ട ഒന്നുണ്ട്. ഇത് പച്ചയ്ക്കു കഴിയ്ക്കുമ്പോള്‍ ഇതിലുള്ള ഒരു എന്‍സൈം സയനൈഡായി മാറുന്നു.

നിലക്കടല

നിലക്കടല അഥവാ കപ്പലണ്ടി നല്ലതാണെങ്കിലും അലര്‍ജിയുള്ളവര്‍ക്ക് ഇത് കൂടുതല്‍ കഴിയ്ക്കുന്നത് പ്രശ്‌നങ്ങളുണ്ടാക്കും.

ബീന്‍ സ്പ്രൗട്‌സ്

ബീന്‍ സ്പ്രൗട്‌സ് ജര്‍മനിയില്‍ ഇ കോളി എന്ന ബാക്ടീരിയാ ബാധ മനുഷ്യരിലുണ്ടാകാന്‍ കാരണമായി. ഈ ബാക്ടീരിയ ധാരാളം പേരുടെ മരണത്തിനിടയാക്കുകയും ചെയ്തു.

കക്കയിറച്ചി

കക്കയിറച്ചി രുചികരമാണെങ്കില്‍ ചിലര്‍ക്കിത് അലര്‍ജിയുണ്ടാക്കും. ഇത്തരക്കാര്‍ക്ക് വയറുവേദന, ചര്‍മത്തില്‍ ചൊറിച്ചില്‍ തുടങ്ങിയ പ്രശനങ്ങളുമുണ്ടാകും.

എല്‍ഡെര്‍ബെറി

എല്‍ഡെര്‍ബെറിയെന്ന പഴത്തിന്റെ കുരുക്കളും തണ്ടും ഇലയുമെല്ലാം വിഷാംശമാണ്. ഇവ കഴിയ്ക്കരുത്.

അക്കി

ജമൈക്കയില്‍ കണ്ടുവരുന്ന അക്കി എന്നൊരു പഴവര്‍ഗമുണ്ട്. ഇതിന്റെ കുരുക്കള്‍ ആരോഗ്യത്തിന് ഏറെ ദോഷകരമാണ്. ഇതിന്റെ കുരുക്കളില്‍ ടോക്‌സിനുകള്‍ അടങ്ങിയിട്ടുണ്ട്.

തിളപ്പിയ്ക്കാത്ത പാല്‍

പാസ്‌ചൈ്വറൈസ് ചെയ്യാത്ത, തിളപ്പിയ്ക്കാത്ത പാല്‍ കുടിയ്ക്കുന്നതും അപകടകരമാണ്. ഇവയില്‍ ഇ കോളി എന്ന ബാക്ടീരിയ അടങ്ങിയിട്ടുണ്ട്.

സ്റ്റാര്‍ ഫ്രൂട്‌സ്

സ്റ്റാര്‍ ഫ്രൂട്‌സ് കിഡ്‌നി പ്രശ്‌നങ്ങളുള്ളവര്‍ക്ക് ഏറെ ദോഷകരമാണ്. ഇവയിലെ ന്യൂറോടോക്‌സിനുകള്‍ തലച്ചോറിനെ ദോഷകരമായി ബാധിയ്ക്കും.