കരീന കപൂര്‍ അനാര്‍ക്കലിയില്‍

അടുത്തിടെ ബ്രിട്ടീഷ് ഓഫ് കോമണ്‍ില്‍ ഏഷ്യന്‍ എത്‌നിക് വീക്ക്‌ലി ബോളിവുഡ് താരം കരീന കപൂറിനെ ആദരിച്ചിരുന്നു. ഇന്റര്‍നാഷണല്‍ എന്റര്‍ടൈന്‍മെന്റ് ഇന്‍ഡസ്ട്രിയ്ക്കു നല്‍കിയ സംഭാവനകള്‍ കണക്കിലെടുത്തായിരുന്നു ഇത്.

ചടങ്ങില്‍ തികച്ചും ഇന്ത്യന്‍ രീതിയിലുള്ള വസ്ത്രധാരണത്തിലാണ് കരീന പങ്കെടുത്തത്.

മനീഷ് മല്‍ഹോത്ര ഡിസൈന്‍ ചെയ്ത ഗ്രെ നിറത്തിലെ അനാര്‍ക്കലി സ്യൂട്ടിലാണ് ഇവര്‍ ചടങ്ങില്‍ പ്രത്യക്ഷപ്പെട്ടത്.

നിറയെ ഗോള്‍ഡന്‍ വര്‍ക്കുകളുള്ള വസ്ത്രത്തിന്റെ അരികില്‍ ഗോള്‍ഡന്‍ ബോര്‍ഡറുമുണ്ടായിരുന്നു.

മുടി അലസമായ രീതിയില്‍ പുറകില്‍ ബണ്‍ രീതിയിലാണ് ഇവര്‍ കെട്ടി വച്ചിരുന്നത്. ഗോള്‍ഡന്‍ നിറത്തിലെ കമ്മലും ഓറഞ്ച് നിറത്തിലെ നെയില്‍ പോളിഷുമാണ് കരീനയുടെ മേയ്ക്കപ്പിന് ഭംഗിയേകി.