സ്‌ട്രെസ് കുറയ്ക്കും വനിതാ വഴികള്‍

സ്‌ട്രെസ് അകറ്റാനുള്ള സ്ത്രീകളുടെ പ്രധാന മാര്‍ഗങ്ങളിലൊന്ന് കരയുന്നതു തന്നെയാണ്. മനസിലെ വിഷമം അകറ്റാന്‍ സഹായിക്കുന്ന പ്രധാന മാര്‍ഗങ്ങളിലൊന്നാണിത്.

കാശു കളഞ്ഞ് ടെന്‍ഷന്‍ ഒഴിവാക്കുന്നതവരുണ്ട്. കൂട്ടുകാര്‍ക്കൊപ്പം കറങ്ങാനും ഷോപ്പിംഗിനും പോയി ടെന്‍ഷന്‍ കളയുന്നവര്‍. ഷോപ്പിംഗും സൗഹൃദവും ഇഷ്ടപ്പെടുന്നവര്‍ക്ക് ടെന്‍ഷനകറ്റാനുള്ള പ്രധാന മാര്‍ഗങ്ങളിലൊന്നാണിത്.

ചില സ്ത്രീകളുണ്ട്, ടെന്‍ഷന്‍ കൂടി അലസമായി വസ്ത്രം ധരിക്കുന്നവര്‍. എന്നാല്‍ ചിലര്‍ക്ക് നല്ലപോലെ വസ്ത്രം ധരിക്കുന്നതും ഒരുങ്ങുന്നതും ടെന്‍ഷന്‍ മാറ്റാനുള്ള ഒരു മാര്‍ഗമാണ്.

വായന ഇഷ്ടപ്പെടുന്ന സ്ത്രീകളാണെങ്കില്‍ പുസ്തകം വായിച്ച് ടെന്‍ഷന്‍ ഒഴിവാക്കും. എല്ലാ സ്‌ട്രെസും താല്‍ക്കാലികമായെങ്കിലും മറക്കാന്‍ ഇത് സഹായിക്കും.

മേക്കപ്പ് ചെയ്തും സ്‌ട്രെസ് മറക്കുന്നവരുണ്ട്. പ്രത്യേകിച്ച് ഓഫീസ് ജോലികളിലെ ടെന്‍ഷന്‍ വല്ലാതെ തലയില്‍ കയറുമ്പോള്‍ നല്ലപോലെ ഒരുങ്ങി പോകുന്നവരുണ്ട്. പലര്‍ക്കും ഇത് സ്‌ട്രെസ് കുറയ്ക്കാനുള്ള ഒരു വഴി കൂടിയായിരിക്കും.

സ്‌ട്രെസ് വരുമ്പോള്‍ ഫോണില്‍ സംസാരിച്ച് ഇത് അകറ്റുന്നവരുണ്ട്. കൂട്ടുകാരോടും ബന്ധുക്കളോടും ഫോണിലെങ്കിലും സംസാരിക്കുന്നത് ഇവര്‍ക്ക് സ്‌ട്രെസ് കുറയ്ക്കാന്‍ സഹായിക്കുന്ന ഒന്നാണ്.

ടിവിയില്‍ ഇഷ്ടമുള്ള പരിപാടികള്‍ കണ്ട് സ്‌ട്രെസ് അകറ്റുന്നവരുണ്ട്. ഇതും സ്ത്രീകള്‍ക്ക് സെട്രെസ് അകറ്റാനുള്ള വഴി തന്നെ.

ഫേസ്ബുക്ക് പോലുള്ള സോഷ്യല്‍ നെറ്റ് വര്‍ക്ക് സൈറ്റുകളില്‍ ചാറ്റു ചെയ്തും മറ്റും സ്‌ട്രെസ് കുറയ്ക്കുന്ന സ്ത്രീകളുമുണ്ട്. വളരെ വിചിത്ര മാര്‍ഗങ്ങളെന്നു തോന്നുമെങ്കിലും ഇത്തരം മാര്‍ഗങ്ങള്‍ പല സ്ത്രീകളും ഉപയോഗിക്കുന്നവ തന്നെയാണ്.