കത്രീനയെത്തിയപ്പോള്‍

ഫാഷന്‍ ഷോകള്‍ക്ക് പഞ്ഞമില്ലാത്ത കാലമാണിത്. ഇത് ഇന്നത്തെ സംസ്‌കാരത്തിന്റെ തന്നെ ഭാഗമായി മാറിയിരിക്കുന്നു. ദില്ലിയില്‍ പഴയ, പുതിയ കാല ബോളിവുഡ് സുന്ദരിമാര്‍ പങ്കെടുത്ത ഒരു ഫാഷന്‍ ഷോ നടന്നു. മനീഷ് മല്‍ഹോത്ര, അഞ്ജു മോഡി, സബ്യസാച്ചി മുഖര്‍ജി, ഗൗരവ് ഗുപ്ത തുടങ്ങിയ പ്രമുഖ ഫാഷന്‍ ഡിസൈനര്‍മാര്‍ അണിയിച്ചൊരുക്കിയ വേഷങ്ങള്‍ ധരിച്ച ബോളിവുഡ് വസന്തങ്ങള്‍ റാമ്പില്‍ വിരിഞ്ഞു.

മനിഷ് മല്‍ഹോത്ര ഡിസൈന്‍ ചെയ്ത ഫാഷന്‍ വസ്ത്രങ്ങളണിഞ്ഞാണ് കത്രീന കൈഫ് എത്തിയത്. സ്വര്‍ണവര്‍ണമുള്ള, പിങ്ക്, ചുവപ്പ് ബോര്‍ഡറുകളുള്ള ലെഹങ്ക ധരിച്ചെത്തിയ കത്രീന എല്ലാവരുടേയും ശ്രദ്ധ പിടിച്ചു പറ്റുകയും ചെയ്തു. ഐവറി, ഗോള്‍സ് നിറത്തിലുള്ള ബ്ലൗസും നെറ്റ് ദുപ്പട്ടയും ധരിച്ച കത്രീന അമിതമേക്കപ്പില്ലാതെയാണ് എത്തിയത്.