ചില വനിതാ കുറ്റബോധങ്ങള്‍

Insync

oi-Saritha

By Veena

Published: Wednesday, June 20, 2012, 13:08 [IST]

സ്ത്രീ കുടുംബത്തിന്റെ നെടുംതൂണാണെന്നു പറയും. മകള്‍, സഹോദരി, ഭാര്യ, അമ്മ, ഉദ്യോഗസ്ഥ എന്നിങ്ങനെ വിവിധ വേഷങ്ങള്‍ ഒറ്റക്കു പകര്‍ന്നാടുന്നവര്‍. പക്ഷേ ഇവരില്‍ പലരും ജീവിക്കുന്നത് പല കുറ്റബോധങ്ങളോടെയുമാണത്രെ.

താല്‍പര്യമുണ്ടായിട്ടും കഴിവുണ്ടായിട്ടും ജോലിക്കു പോകാതെ വീട്ടിരിക്കുന്ന സ്ത്രീകള്‍ക്ക് ജോലിക്കു പോയില്ലെന്നത് ഒരു കുറ്റബോധമാകാം. തന്റെ കഴിവുകള്‍ താന്‍ നശിപ്പിക്കുകയാണെന്ന തോന്നല്‍.

എന്നാല്‍ ഉദ്യോഗസ്ഥയായ സ്ത്രീക്കും കുറ്റബോധമുണ്ടാകും. പ്രധാനമായും കുട്ടികള്‍ക്കൊപ്പം സമയം ചെലവഴിക്കാന്‍ സാധിക്കുന്നില്ലല്ലോയെന്നോര്‍ത്ത് . കുടുംബകാര്യങ്ങള്‍ വേണ്ട രീതിയില്‍ ചെയ്യാന്‍ പറ്റുന്നില്ലെന്നോര്‍ത്തും കുറ്റബോധം തോന്നും.

വീട്ടിലെ ഉത്തരവാദിത്വം കാരണം ഓഫീസ് ജോലി വേണ്ട വിധത്തില്‍ ചെയ്യാനാകാത്തതും ചില സ്ത്രീകളില്‍ കുറ്റബോധവും വിഷാദവുമുണ്ടാക്കും.

അമിതവണ്ണം സ്ത്രീകള്‍ക്ക് ചിലപ്പോഴെങ്കിലും കുറ്റബോധത്തിന് കാരണമാകും. പ്രത്യേകിച്ച് പൊതുവേദികളില്‍ പ്രത്യക്ഷപ്പെടുമ്പോള്‍. വണ്ണമുണ്ടെങ്കിലും ഇഷ്ടമുള്ളതെന്തും കഴിയ്ക്കുന്നതോര്‍ത്തും വ്യായാമം വഴി തടി കുറയ്ക്കാമായിരുന്നു, എന്നാല്‍ അതു ചെയ്തില്ലെന്നോര്‍ത്തുമായിരിക്കും ഈ കുറ്റബോധം.

ഷോപ്പിംഗ് മിക്കവാറും സ്ത്രീകളുടെ ദൗര്‍ബല്യമാണ്. ഇതിന് കുറ്റപ്പെടുത്തലും പഴിയും കേള്‍ക്കേണ്ടി വരികയും ചെയ്യും. അവനവനു വേണ്ട സാധനങ്ങളിങ്ങനെ വാരിക്കൂട്ടുമ്പോഴും ഇതോര്‍ത്ത് സ്ത്രീകള്‍ക്ക് കുറ്റബോധമുണ്ടാകുമത്രെ. ഇതുപോലെ സൗന്ദര്യത്തിനായി ബ്യൂട്ടി പാര്‍ലറില്‍ പണം ചെലവഴിക്കുന്നതും കുറ്റബോധ കാരണം തന്നെ.

പങ്കാളിയെ സന്തോഷിപ്പിക്കാനാവുന്നില്ലെന്നോര്‍ത്ത് പല സ്ത്രീകള്‍ക്കും കുറ്റബോധമുണ്ടാകും. മനപൂര്‍വമല്ലെങ്കിലും സമയക്കുറവാണെങ്കിലും തന്റെ പങ്കാളിയെ താന്‍ ഗൗനിക്കുന്നില്ലേയെന്ന ചിന്തയും കുറ്റബോധകാരണമാകും.