അച്ഛനമ്മമാരെ മറക്കാമോ?

Insync

oi-Saritha

By Veena

Published: Wednesday, June 20, 2012, 13:05 [IST]

ചില സ്ത്രീകളുണ്ട്, ഏതു സദസിലും വൈകിയെത്തുന്ന സ്വഭാവമുള്ളവര്‍. ഇതിന്റെ പേരില്‍ മറ്റുള്ളവരുടെ കളിയാക്കലുകളുമുണ്ടാകും. ഇതിനിവര്‍ ഉത്തരം മുട്ടിക്കുന്ന മറുപടി കൊടുത്തെന്നും വരും. സമയം വൈകി വരുന്നത് തന്റെ കുറ്റമായി ഇവര്‍ പരസ്യമായി അംഗീകരിക്കാന്‍ തയ്യാറാവില്ലെങ്കിലും ഇതോര്‍ത്ത് ഇവര്‍ക്ക് കുറ്റബോധമുണ്ടാവുകയും ചെയ്യും.

നല്ല ആതിഥേയകളാകാന്‍ കഴിയാത്തതും ചില സ്ത്രീകളില്‍ കുറ്റബോധമുണ്ടാക്കും. ഇത് ഒരുപക്ഷേ വീട്ടില്‍ ആളുകള്‍ വരുമ്പോള്‍ വേണ്ട രീതിയില്‍ സ്വീകരിക്കാനുള്ള ആത്മവിശ്വാസക്കുറവു കൊണ്ടായിരിക്കും. അല്ലെങ്കില്‍ സ്വന്തം പാചകത്തില്‍ വിശ്വാസമില്ലാത്തതു കൊണ്ടായിരിക്കും. മറ്റുള്ളവരോട് അടുക്കാനുള്ള സങ്കോചവും ഇതിനു കാരണമാകാം.

ഇതൊക്കെയാണെങ്കിലും ഇത്തരക്കാര്‍ക്ക് മനസില്‍ കുറ്റബോധമുണ്ടാകും. പ്രത്യേകിച്ച് മറ്റു വീടുകളില്‍ അതിഥിയായി പോകുമ്പോള്‍,അവരുടെ ആതിഥേയ മര്യാദ കാണുമ്പോള്‍ ഇത്തരം കുറ്റബോധം കൂടുകയും ചെയ്യും.

മുന്‍പുണ്ടായിരുന്ന ഹോബികള്‍ക്ക് സമയം കണ്ടെത്താന്‍ സാധിക്കാതെ വരുന്നതും സ്ത്രീകളില്‍ കുറ്റബോധത്തിന് കാരണമാകും. ഉദാഹരണത്തിന് വിവാഹത്തിനു മുന്‍പ് ധാരാളം വായിക്കുന്ന ശീലമുള്ള സ്ത്രീയാണെന്നു കരുതുക.വിവാഹശേഷം ചിലപ്പോള്‍ തിരക്കുകളില്‍ പെട്ട് വായിക്കാന്‍ തന്നെ സമയം കിട്ടിയെന്നു വരില്ല. ഇത് ചിലപ്പോഴൊക്കെ കുറ്റബോധത്തിന് കാരണമാകുകയും ചെയ്യും.

എന്നാല്‍ വീട്ടിലെ ഉത്തരവാദിത്വം മറന്ന് വായിച്ചിരിക്കുന്നതും സ്ത്രീകള്‍ക്ക് കുറ്റബോധമുണ്ടാക്കും.

വിവാഹത്തിന് ശേഷം സ്വന്തം അച്ഛനമ്മാര്‍ക്കൊപ്പം സമയം ചെലവിടാന്‍ സാധിക്കാതെ വരുന്ന സ്ത്രീകളുണ്ടാകും. വല്ലപ്പോഴും വിരുന്നുകാരുടെ അവസ്ഥയില്‍ സ്വന്തം വീട്ടില്‍ കയറിച്ചെല്ലുന്നവര്‍. ഇതും സ്ത്രീകളില്‍ കുറ്റബോധത്തിന് കാരണമാകുമത്രെ. സ്വന്തം കാര്യം നോക്കി മാതാപിതാക്കളെ അവഗണിക്കുന്നുവെന്ന് ചിന്തയായിരിക്കം ഇതിന് കാരണം. മനപൂര്‍വമല്ലെങ്കിലും സ്വാര്‍ത്ഥയാകുന്നുവെന്ന തോന്നലായിരിക്കും ഈ കുറ്റബോധത്തിന് പുറകില്‍.