പൊസറ്റീവാകാന്‍ വ്യായാമം

Insync

oi-Saritha

By Veena

Published: Wednesday, April 4, 2012, 13:05 [IST]

വ്യായാമത്തിനും പൊസറ്റീവ് എനര്‍ജിക്കു തമ്മില്‍ എന്തു ബന്ധമെന്നാവും ചിന്ത. തീര്‍ച്ചയായുമുണ്ട്. വ്യായാമം പൊസറ്റീവ് എനര്‍ജി നല്‍കുന്ന ഒന്നാണ്. സമയം കിട്ടുമ്പോള്‍ വ്യായാമം ചെയ്യാം എന്ന ചിന്ത മാറ്റി വയ്ക്കുക. പല്ലു തേയ്ക്കുന്ന പോലെ, ഭക്ഷണം കഴിയ്ക്കുന്ന പോലെ, ദിനചര്യകളില്‍ ഒന്നായി വ്യായാമത്തെ എടുക്കുക. പൊസറ്റീവ് ആകാം.

വ്യായാമത്തിന്റെ വകഭേദങ്ങളാണ് യോഗ, മെഡിറ്റേഷന്‍ എന്നിവ. ദുഖം, കോപം തുടങ്ങിയ ചീത്ത വികാരങ്ങളെ നിയന്ത്രിക്കാനും അങ്ങനെ പൊസറ്റീവ് എനര്‍ജി നല്‍കാനും ഇവയ്ക്കു കഴിയും. ഒന്നും വേണ്ട, മനസ് അസ്വസ്ഥമാകുമ്പോള്‍ തുറസായ സ്ഥലത്തിലൂടെ, തിരക്കുകളില്‍ നിന്നകന്ന് അല്‍പനേരം നടന്നുനോക്കൂ. മനസ് പൊസറ്റീവ് ആയി മാറുന്നത് തിരിച്ചറിയാം.

എന്തു തിരക്കുകള്‍ക്കിടയിലും അവനവന് വേണ്ടി അലപസമയമെങ്കിലും മാറ്റി വയ്ക്കുക. ഇഷ്ടമുള്ള എന്തെങ്കിലും കാര്യങ്ങള്‍ ഈ സമയത്ത് ചെയ്യാം, വായിക്കുക, പാട്ടു കേള്‍ക്കുക തുടങ്ങിയവ. ശരീരവും മനസും റിലാക്‌സ് ചെയ്താല്‍ തന്നെ പൊസറ്റീവ് ആയി മാറാം.

ഒരു പ്രവൃത്തി, അതെന്തായാലും ആത്മാര്‍ത്ഥമായി ചെയ്യാന്‍ ശ്രമിക്കുക. അല്ലാതെ വെറുതെ എന്ന രീതിയിലുള്ള പ്രവൃത്തിയാകരുത്. ചെയ്യുന്ന കാര്യത്തില്‍ ഉറപ്പുണ്ടാകുന്നതും പൊസറ്റീവ് എനര്‍ജി നല്‍കും.

ശുഭാപ്തി വിശ്വാസം പൊസറ്റീവ് എനര്‍ജിക്കു പ്രധാനമാണ്. ഒന്നു ശരിയാകില്ല എന്നത് നെഗറ്റീവ് എനര്‍ജി നല്‍കുന്ന നെഗറ്റീവ് ചിന്തയാണ്. എല്ലാം ശരിയാകും എന്ന ചിന്തയോടെ ജീവിക്കണം. തിരിച്ചടികള്‍ വരുമ്പോള്‍ തളരില്ല എന്നു തീരുമാനിക്കണം. ഇത് ഒരാളെ പൊസറ്റീവാക്കാന്‍ പ്രധാന പങ്കു വഹിക്കുന്ന ഒന്നാണ്.

മറ്റുള്ളവരെ കഴിയുന്ന രീതിയില്‍ സഹായിക്കണം. അതും നല്ല മനസോടെ. ഒരാള്‍ക്ക് പൊസറ്റീവ് എനര്‍ജി ലഭിക്കുന്നതില്‍ ഇത് വളരെ ഗുണം ചെയ്യും.

ഒരാളെ പൊസറ്റീവോ നെഗറ്റീവോ ആക്കുന്നതില്‍ പ്രധാന പങ്കു വഹിക്കുന്നത് ചുറ്റുപാടോ പ്രവൃത്തികളോ അല്ല, അവനവന്റെ തന്നെ മനസാണ്. നല്ല മനസോടെ ജീവിച്ചു നോക്കൂ, വാക്കിലും നോക്കിലും പ്രവൃത്തിയിലും നന്മ പുലര്‍ത്താന്‍ ശ്രമിച്ചു നോക്കൂ, നിങ്ങളറിയാതെ തന്നെ നിങ്ങള്‍ പൊസറ്റീവാകും. ഇത് നല്ല രീതിയില്‍ ജീവിതത്തെ സ്വാധീനിക്കുകയും ചെയ്യും.

മുന്‍ പേജില്‍
ബി പൊസറ്റീവ്