'പൊസറ്റീവ്' ആയി ചിന്തിക്കൂ, വിജയിക്കാം

Insync

oi-Saritha

By Veena

Published: Wednesday, April 4, 2012, 13:03 [IST]

'ബി പൊസറ്റീവ്' എന്ന് ആര്‍ക്കും ആരോടു വേണമെങ്കിലും പറയാം. പക്ഷേ ഇങ്ങനെ ജീവിക്കാനാണ് ബുദ്ധിമുട്ട്. പൊസറ്റീവ് എനര്‍ജി ലഭിക്കുക എളുപ്പമല്ല. എന്നാല്‍ നെഗറ്റീവായി ചിന്തിക്കാനും ജീവിക്കാനും എളുപ്പം കഴിയും. നെഗറ്റീവില്‍ നിന്നു പൊസറ്റീവിലേക്ക് മാറണമെന്നുണ്ടെങ്കില്‍ വഴിയുണ്ട്.

മറ്റുള്ളവരില്‍ കുറ്റം കണ്ടുപിടിക്കാനുള്ള താല്‍പര്യം ആളുകള്‍ക്കു കൂടും. ഇതിനെ വേണമെങ്കില്‍ ഒരു അടിസ്ഥാന സ്വഭാവമെന്നും പറയാം. മറ്റുള്ളവരുടെ കുറ്റവും കുറവും കണ്ടുപിടിക്കുമ്പോള്‍ നിഗൂഢമായ ഒരു ആനന്ദം തോന്നുന്നവരുമുണ്ട്. ഈ സന്തോഷം താല്‍ക്കാലികമാണെന്നറിയുക. ഇത്തരം ഒരു പ്രവൃത്തി നമ്മളില്‍ തന്നെ നെഗറ്റീവ് എനര്‍ജി നിറയ്ക്കുകയാണ് ചെയ്യുന്നത്. ഇതുകൊണ്ടുള്ള ആത്യന്തിക ദോഷം നമുക്കോരോരുത്തര്‍ക്കുമാണ്.

അപരന്റെ കുറ്റം കണ്ടുപിടിച്ച് അത് നാലാളോട് പറഞ്ഞ് സന്തോഷിക്കുന്നവരുണ്ട്. മനസ് മാത്രമല്ലാ, വായില്‍ നിന്നു വരുന്ന വാക്കുകളും നെഗറ്റീവ്, പൊസറ്റീവ് എനര്‍ജിയുണ്ടാക്കുന്നതില്‍ പ്രധാന പങ്കു വഹിയ്ക്കുന്നുണ്ട്. നല്ല വാക്കുകള്‍, നല്ല ചിന്ത, മറ്റുള്ളവരെ പറ്റി പറയുന്ന നല്ല കാര്യങ്ങള്‍ എന്നിവ നാമറിയാതെ തന്നെ നമ്മില്‍ പൊസറ്റീവ് എനര്‍ജിയുണ്ടാക്കും.

ഒരു വ്യക്തിക്ക് അവനവനില്‍ തന്നെ ആത്മവിശ്വാസം വേണം. നല്ല ഗുണങ്ങള്‍ കണ്ടെത്താന്‍ സാധിക്കണം. തങ്ങളുടെ കഴിവ് തിരിച്ചറിയണം. ഇത് പൊസറ്റീവ് എനര്‍ജി നിറയ്്ക്കും. എപ്പോഴും തന്നെത്തന്നെ പഴിച്ചു കൊണ്ടിരുന്നാല്‍, ദോഷങ്ങള്‍ മാത്രം കണ്ടാല്‍ ആത്മവിശ്വാസം തകരും. ഇത് നെഗറ്റീവ് എനര്‍ജിക്കു കാരണമാകുകയും ചെയ്യും. അതുപോലെയാണ് മറ്റുള്ളവരുടെ കാര്യത്തിലും. ദോഷങ്ങളേക്കാള്‍ മറ്റുള്ളവരുടെ നല്ല ഗുണങ്ങള്‍ കണ്ടെത്താന്‍ ശ്രമിക്കണം.

നല്ല ഗുണങ്ങള്‍ക്കൊപ്പം ചീത്ത ഗുണങ്ങളും കണ്ടെത്താന്‍ സാധിക്കണം. ഇത് മാറ്റുകയും വേണം. ഉദാഹരണത്തിന് മദ്യപാനം, പുകവലി തുടങ്ങിയവ ചീത്ത ശീലങ്ങളാണ്. ഏതു വിധേന നോക്കിയാലും നെഗറ്റീവ് എനര്‍ജി നിറയ്ക്കാന്‍ സഹായിക്കുന്ന ചില കാരണങ്ങള്‍. ഇവ മാറ്റാന്‍ ശ്രദ്ധിക്കണം. ശ്രമിക്കണം.

അടുത്ത പേജില്‍