ബാംഗ്ലൂരിനെ സ്‌നേഹിക്കാം

ബാംഗ്ലൂരിനെ സ്‌നേഹിക്കുവാന്‍ കാരണങ്ങള്‍ പലതുണ്ട്. പണ്ടത്തെ തണുപ്പില്ലെങ്കിലും ഇന്ത്യയിലെ മറ്റേത് മെട്രോ സിറ്റികളെ വച്ചു നോക്കിയാലും ഭേദപ്പെട്ട കാലാവസ്ഥ ഇവിടെയാണ് ഉള്ളതെന്നു പറയാം.

പണ്ടായിരുന്നു ഗ്രീന്‍ സിറ്റി, ഗാര്‍ഡന്‍ സിറ്റി തുടങ്ങിയ പേരുകള്‍ ബാംഗ്ലൂരിന് മാത്രമായി അവകാശപ്പെടാമായിരുന്നത്. ഇപ്പോള്‍ അതെല്ലാം പോയെങ്കിലും ചിലയിടത്തെങ്കിലും തിരുശേഷിപ്പുകള്‍ ബാക്കിയുണ്ടെന്നു പറയാം.

ചേരികള്‍ കുറവുള്ള സ്ഥലമാണ് ബാംഗ്ലൂരെന്നു പറയാം. മറ്റു സ്ഥലങ്ങളെ അപേക്ഷിച്ചു നോക്കുമ്പോള്‍ ഇതൊരു ഗുണം തന്നെ.

ബാംഗ്ലൂരിനെ കുറിച്ച് എടുത്തു പറയാവുന്ന മറ്റൊരു കാര്യമുണ്ട്. ആരെയും കൈനീട്ടി സ്വീകരിക്കുന്നുവെന്നു വേണമെങ്കില്‍ പറയാം. ഏതു നാട്ടില്‍ നിന്നുള്ളവരെ വേണമെങ്കിലും ഇവിടെ കാണാം. മലയാളിയെ സംബന്ധിച്ചിടത്തോളം രണ്ടാം വീടാണ് ബാംഗ്ലൂര്‍ എന്നു വിശേഷിപ്പിക്കാം. ഐടിക്കു സ്തുതി.

നോര്‍ത്ത്, സൗത്ത് ഇന്ത്യന്‍ വിഭവങ്ങള്‍ തനതായ സ്വാദില്‍ നല്‍കുന്ന നിരവധി റസ്‌റ്റോറന്റുകള്‍ ബാംഗ്ലൂരിലുണ്ട്. സ്വാദിലും ബാംഗ്ലൂര്‍ പിന്നിലല്ലെന്നര്‍ത്ഥം.

അടുത്ത പേജില്‍