സ്ട്രിക്റ്റായ ബോസിനെ നിലയ്ക്കു നിര്‍ത്താം

Insync

oi-Saritha

By Veena

Published: Thursday, March 29, 2012, 14:45 [IST]

ഓഫീസ് ജോലിക്കിടെ തലവേദനകള്‍ സൃഷ്ടിക്കുന്ന ചില ബോസുമാര്‍ ഉണ്ട്. ഓഫീസില്‍ പോകാന്‍ മടിയുണ്ടാക്കുവാന്‍ വരെ ഇത്തരക്കാര്‍ക്ക് കഴിയും. നിങ്ങളുടെ ബോസ് വളരെ കണിശക്കാരനാണോ. എങ്കില്‍ ചില കാര്യങ്ങള്‍ അറിഞ്ഞിരിക്കണം.

സ്ട്രിക്റ്റായ ബോസാണെങ്കില്‍ ജോലിക്കാര്‍ക്ക് അല്‍പം തലവേദനയുമുണ്ടാകും. ഇത് സ്വാഭാവികം മാത്രം. പറഞ്ഞ സമയത്തിനുള്ളില്‍ ജോലി കൃത്യമായി തീര്‍ത്തു കൊടുത്തില്ലെങ്കില്‍ ഇത്തരക്കാര്‍ക്ക് ദേഷ്യം വരുന്നതും സാധാരണം.

ആദ്യം ബോസിനോട് മുഖം കറുപ്പിക്കുകയല്ലാ, വേണ്ടത്. ബോസ് സ്ട്രിക്റ്റാണെങ്കിലും ആവശ്യപ്പെടുന്ന കാര്യത്തില്‍ കഴമ്പുണ്ടോയെന്ന് പരിശോധിക്കുകയാണ് ആദ്യം വേണ്ടത്. ന്യായമാണ് ആവശ്യമെങ്കില്‍ ഇത് ചെയ്തുകൊടുക്കേണ്ടതും ന്യായമെന്ന് ഉറപ്പിക്കുക. മനസിനെ ഇത്തരം നിലപാടിന് പക്വമാക്കിയാല്‍ തന്നെ പകുതി ടെന്‍ഷന്‍ കുറയും.

എന്നാല്‍ നിങ്ങളെ ബുദ്ധിമുട്ടിപ്പിക്കാന്‍ വേണ്ടി മാത്രമാണ് ജോലി തരുന്നതെങ്കില്‍, അതുകൊണ്ട് മറ്റു പ്രയോജനമൊന്നും ഉണ്ടാകുന്നില്ലെന്നു തോന്നിയാല്‍ അക്കാര്യം വളരെ സൗമ്യമായി ബോസിനെ പറഞ്ഞു മനസിലാക്കാന്‍ ശ്രമിക്കണം. നിങ്ങള്‍ക്ക് ശരിയെന്ന് ഉറപ്പുള്ള കാര്യം പറഞ്ഞു മനസിലാക്കിക്കൊടുക്കാന്‍ ഭയക്കുകയോ മടിക്കുകയോ ചെയ്യേണ്ടതില്ല.