ആത്മവിശ്വാസം കൂട്ടാന്‍ മാറിടശസ്ത്രക്രിയ

By Super

Updated: Friday, March 15, 2013, 16:53 [IST]

സൗന്ദര്യമെന്നത് എന്നും സ്ത്രീകളുടെ വീക്‌നെസ്സാണ്, എനിയ്ക്ക് സൗന്ദര്യം ഒട്ടുംവേണ്ടെന്ന് ഒരു സ്ത്രീയും പറയാന്‍ സാധ്യതയില്ല. ഇനി അങ്ങനെ പറയുന്നവരുണ്ടെങ്കില്‍ത്തന്നെ ആരും കാണാതെയും അറിയാതെയും അവരൊന്നു കണ്‍മഷിയുകയെങ്കിലും ചെയ്യാതിരിക്കില്ലെന്നകാര്യം ഉറപ്പാണ്.

സൗന്ദര്യത്തെക്കുറിച്ചുതന്നെയാണ് പറഞ്ഞുവരുന്നത്, പക്ഷേ മുഖസൗന്ദര്യത്തെക്കുറിച്ചല്ല, മുഖസൗന്ദര്യം പോലെതന്നെ പ്രധാനമായ മാറിടസൗന്ദര്യത്തെക്കുറിച്ചാണ് പറഞ്ഞുവരുന്നത്. മാറിടസൗന്ദര്യം വര്‍ധിപ്പിക്കുകയെന്നത് ഇന്നത്തെക്കാലത്ത് അത്ര അതിശയം ജനിപ്പിക്കുന്നതോ നാണക്കേടുണ്ടാക്കുന്നതോ ആയ കാര്യമല്ല.

നമ്മുടെയെല്ലാം സൗന്ദര്യസങ്കല്‍പ്പങ്ങള്‍ ഏറെമാറിയിരിക്കുന്നു, അതിലേറെ ബ്രേവ് ആയിരിക്കുകയും ചെയ്യുന്നു. ഇതിന്റെ ഭാഗമായിട്ടുതന്നെയാണ് ചലച്ചിത്രതാരങ്ങളും മോഡലുകളും മാത്രം ആയുധമാക്കിയിരുന്ന ബൂബ് ജോബ് അഥവാ മാറിട ശസ്ത്രക്രിയ സെലിബ്രിട്ടി ലോകത്തുനിന്നും പുറത്തേയ്ക്ക് വന്നത്.

ആത്മവിശ്വാസം വര്‍ദ്ധിപ്പിക്കാനും ജീവിത വിജയം നേടാനും ഇത്തരം സൗന്ദര്യ വര്‍ദ്ധക ശസ്ത്രക്രിയകള്‍ സഹായിക്കുന്നു എന്ന് ഒരു അന്താരാഷ്ട്ര സര്‍വേയില്‍ വ്യക്തമായിട്ടുണ്ട്. അനാകര്‍ഷകമായ മാറിടങ്ങളുള്ള സ്ത്രീകള്‍ അപകര്‍ഷതാബോധം കാരണം വിഷാദരോഗത്തിലേക്ക് കൂപ്പുകുത്തുന്നതായും സര്‍വെ കണ്ടെത്തിയിട്ടുണ്ട്.