എണ്ണ ചോരുന്ന നിലവിളക്ക് മൃത്യുദു:ഖം ഉണ്ടാക്കും

ദേവതയെ ആവാഹിക്കുന്നത്

പൂജാവേളയിലും മറ്റും ദൈവത്തെ ആവാഹിക്കപ്പെടുന്നത് നിലവിളക്കിലേക്കാണ്. നിലവിളക്കിന്റെ ഐശ്വര്യത്തിലേക്ക് തന്നെയാണ് ദൈവത്തെ കുടിയിരുത്തുന്നത്.

എണ്ണ ചോരുന്ന വിളക്ക്

എണ്ണ ചോരുന്ന വിളക്ക് മൃത്യുദു:ഖം ഉണ്ടാക്കും എന്നാണ് പറയുന്നത്. ഉപയോഗിക്കുമ്പോള്‍ ശ്രദ്ധിച്ചുപയോഗിച്ചില്ലെങ്കില്‍ ഫലം പലപ്പോഴും വിപരീതമായിരിക്കും.

ഐശ്വര്യ ദേവത

ഐശ്വര്യത്തിന്റെ പ്രതിഫലനമാണ് നിലവിളക്കുകള്‍. അതുകൊണ്ട് തന്നെ നിലവിളക്കിന്റെ ഏതെങ്കിലും തരത്തിലുള്ള മാറ്റങ്ങള്‍ക്ക് അതീവ ശ്രദ്ധ നല്‍കണം. സരസ്വതീ സങ്കല്‍പ്പമാണ് നിലവിളക്ക്. അതുകൊണ്ട് തന്നെ അര്‍ഹിക്കുന്ന പരിഗണന നിലവിളക്കിന് നല്‍കണം.

തിരഞ്ഞെടുക്കുമ്പോള്‍

നിലവിളക്ക് തിരഞ്ഞെടുക്കുമ്പോള്‍ ചില കാര്യങ്ങള്‍ ശ്രദ്ധിക്കണം. വീടുകളില്‍ തൂക്ക് വിളക്ക് ഉപയോഗിക്കാന്‍ പാടില്ല. ഇത് അനിഷ്ടങ്ങള്‍ വിളിച്ച് വരുത്തും. മാത്രമല്ല തിരിത്തട്ടുകള്‍ കൂടുതലുള്ള വിളക്കുകള്‍ ഒരിക്കലും തിരഞ്ഞെടുക്കരുത്.

കരിപിടിച്ച വിളക്ക്

കരിപിടിച്ച അഴുക്ക് പിടിച്ച വിളക്ക് ഒരിക്കലും കത്തിയ്ക്കരുത്. ഇത് വീട്ടിലെ ഐശ്വര്യത്തെ ഇല്ലാതാക്കാന്‍ കാരണമാകും.

കത്തിയ്ക്കുമ്പോള്‍

വിളക്ക് കത്തിയ്ക്കുമ്പോള്‍ മങ്ങിക്കത്തുക, കത്തുമ്പോള്‍ തിരി പൊട്ടിത്തെറിയ്ക്കുക, ആളിക്കത്തുക, കാരണമില്ലാതെ കെടുക തുടങ്ങിയ പ്രശ്‌നങ്ങള്‍ ഉണ്ടെങ്കില്‍ അതൊരിക്കലും ശുഭലക്ഷണമല്ല.

നെയ് വിളക്ക്

വിളക്ക് കത്തിയ്ക്കുമ്പോള്‍ നെയ് ഒഴിച്ച് കത്തിയ്ക്കുക. അഞ്ച് തിരിയിട്ട വിളക്കാണ് ഉത്തമം. മാത്രമല്ല ആഗ്രഹസാഫല്യത്തിന് ഇത് കാരണമാകും.