ആയുസ്സിലെ സര്‍വ്വ ദോഷങ്ങളകറ്റുന്ന അത്യുത്തമദിനം ജനുവരി 14: ഇവ ദാനം ചെയ്യൂ

എള്ള്

എള്ള് ദാനം ചെയ്യുന്നത് മകര സംക്രാന്തിയില്‍ മികച്ച ഫലം നല്‍കുന്നു എന്നാണ് വിശ്വാസം. എള്ള് ദാനം ചെയ്യുന്നതും ഭക്ഷണത്തില്‍ ഉപയോഗിക്കുന്നതും നിങ്ങള്‍ക്ക് മികച്ച ഫലം നല്‍കുന്നു. കാരണം ഇത് നിങ്ങളുടെ ശനിദോഷത്തെ ഇല്ലാതാക്കുന്നതിന് സഹായിക്കുന്നു. ഏത് കണ്ടകശനിയേയും ഇല്ലാതാക്കി ജീവിതത്തില്‍ ഐശ്വര്യവും സന്തോഷവും തിരികെ കൊണ്ട് വരുന്നതിന് സഹായിക്കുന്നു എള്ള് ദാനം ചെയ്യുന്നത്. മാത്രമല്ല ഇത് സൂര്യഭഗവാന്റെ അനുഗ്രഹം നല്‍കുന്നതിനും സഹായിക്കുന്നു. കൂടാതെ നിങ്ങളുടെ ദോഷഫലങ്ങളെ അകറ്റി സമ്പത്ത് പ്രദാനം ചെയ്യുന്നതിനും ഈ ദാനം സഹായിക്കുന്നു എന്നാണ് പറയുന്നത്. അതുകൊണ്ട് മകര സംക്രാന്തി ദിനത്തില്‍ എള്ള് ദാനം ചെയ്യുന്നതിന് ശ്രദ്ധിക്കണം.

അന്നദാനം

മകരസംക്രാന്തി ദിനത്തില്‍ അതിരാവിലെ എഴുന്നേറ്റ് കുളിച്ച് സൂര്യദേവന് ജലം അര്‍പ്പിച്ച ശേഷം പാവപ്പെട്ടവര്‍ക്ക് അന്നദാനം നടത്തുന്നത് നല്ലതാണ്. ഇത് നിങ്ങളുടെ ജീവിതത്തില്‍ ചെയ്ത് കൂട്ടിയ പാപങ്ങളില്‍ നിന്ന് മോചനം നല്‍കുന്നു. അത് മാത്രമല്ല അന്നദാനം നടത്തുന്നതിലൂടെ ശനി, വ്യാഴം തുടങ്ങിയ ഗ്രഹങ്ങളുമായി ബന്ധപ്പെട്ടുണ്ടാവുന്ന എല്ലാ ദോഷങ്ങളേയും ഇല്ലാതാക്കുന്നതിന് സാധിക്കുന്നൂ. കൂടാതെ ബുധന്റെ ദോഷഫലങ്ങളെ അകറ്റുന്നതിനും ഈ ദാനം സഹായിക്കുന്നു. ഇത്തരത്തില്‍ ദാനം ചെയ്യുന്നതിലൂടെ നിങ്ങളുടെ എല്ലാ മേഖലകളിലും വിജയം കണ്ടെത്തുന്നതിനും സാധിക്കുന്നു.

പാദരക്ഷകള്‍

പാദരക്ഷകള്‍ ഈ ദിനത്തില്‍ ദാനം ചെയ്യുന്നത് നിങ്ങള്‍ക്ക് മികച്ച മാറ്റങ്ങള്‍ ജീവിതത്തില്‍ കൊണ്ട് വരുന്നതിന് സഹായിക്കുന്നു. ശനിയുടെ ദോഷഫലങ്ങളാണ് ഏഴര ശനി, കണ്ടക ശനി എന്നിവയെ ഇല്ലാതാക്കുന്നതിന് ഈ ദിനത്തില്‍ പാദരക്ഷകള്‍ ദാനം ചെയ്യുന്നത് നല്ലതാണ്. ഇത് കൂടാതെ കറുത്ത എള്ള്, ഉമി എന്നിവയും ഈ ദിനത്തില്‍ ദാനം ചെയ്യുക. ഇതിലൂടെ ജീവിതത്തില്‍ വളരെയധികം മാറ്റങ്ങള്‍ ജീവിതത്തില്‍ ഉണ്ടാവുന്നു. ശനിദോഷത്തെ പാടേ അകറ്റുന്നതിനും മറ്റ് ഗ്രഹദോഷങ്ങളെ പ്രതിരോധിക്കുന്നതിനും ഇത്തരത്തില്‍ ദാനം ചെയ്യുന്നത് നല്ലതാണ്.

ശര്‍ക്കരയും നെയ്യും

മകര സംക്രാന്തി നാളില്‍ ശര്‍ക്കരയും നെയ്യും ദാനം ചെയ്യുന്നതും നല്ലതാണ്. ഇത് ഗ്രഹദോഷങ്ങളകറ്റി വ്യാഴത്തെ ശക്തിപ്പെടുത്തുന്നതിന് സഹായിക്കുന്നു. മകര സംക്രാന്തി ദിനത്തില്‍ ഇത് ചെയ്യുന്നതിലൂടെ ജീവിതത്തിലെ പല അസ്വസ്ഥതകളും പൂര്‍ണമായും ഇല്ലാതാവുന്നു. കൂടാതെ വ്യാഴത്തിന്റെ ദോഷം മൂലം ഉണ്ടാവുന്ന പല കഠിന ദോഷങ്ങള്‍ക്കും ഈ ദാനം ഒരു പരിഹാരമാണ്. സര്‍വ്വദോഷങ്ങളകറ്റി ജീവിതത്തില്‍ സന്തോഷം നിറക്കുന്നതിന് വേണ്ടി ശര്‍ക്കരയും നെയ്യും മകര സംക്രാന്തി ദിനത്തില്‍ ദാനം ചെയ്യണം.

മധുരപലഹാരങ്ങള്‍

മകര സംക്രാന്തി ദിനത്തില്‍ മധുരപലഹാരങ്ങള്‍ ദാനം ചെയ്യുന്നത് നിങ്ങള്‍ക്ക് എല്ലാ വിധത്തിലുള്ള ദോഷങ്ങളേയും അകറ്റുന്നതിന് സഹായിക്കുന്നു. ഗ്രഹദോഷങ്ങളെല്ലാം മാറ്റി ജീവിതത്തില്‍ ഐശ്വര്യം നിറക്കുന്നതിന് ഈ ദിനത്തിലെ ദാനം സഹായിക്കുന്നു. സൂര്യന്‍, വ്യാഴം, ശനി എന്നീ ഗ്രഹദോഷങ്ങള്‍ നീങ്ങുന്നു. മകരസംക്രാന്തി ദിനത്തില്‍ ശര്‍ക്കരയും കറുത്ത എള്ളും കൊണ്ടുണ്ടാക്കിയ ലഡ്ഡു ദാനം ചെയ്യുന്നത് സൂര്യനെ ശക്തനാക്കുന്നു. ഈ ദിനത്തില്‍ ശര്‍ക്കര കൊണ്ടുണ്ടാക്കിയ എന്ത് മധുരപലഹാരവും ദോഷത്തെ ഇല്ലാതാക്കുന്നതിന് സഹായിക്കുന്നു.

അരി

അരി ദാനം ചെയ്യുന്നത് ഈ ദിനത്തില്‍ അത്യുത്തമമായി കണക്കാക്കുന്നു. ചന്ദ്രന്റെ പ്രതീകമായാണ് ധാന്യത്തെ കണക്കാക്കുന്നത്. ഇത് ചന്ദ്രദോഷത്തെ അകറ്റുന്നതിനും ജീവിതം ഐശ്വര്യപൂര്‍ണമാക്കുന്നതിനും സഹായിക്കുന്നു. ചന്ദ്രനെ ശക്തനാക്കുന്ന കാര്യത്തില്‍ ജീവിതത്തില്‍ ഐശ്വര്യവും സന്തോഷവും നിറക്കുന്നതിനും ഈ ദിനത്തിലെ ദാനം മികച്ചതാണ്. അതുകൊണ്ട് തന്നെ എല്ലാ വിധത്തിലുള്ള ദോഷഫലങ്ങളേയും മറികടക്കുന്നതിന് വേണ്ടി മകര സംക്രാന്തി ദിനത്തില്‍ ഈ വസ്തുക്കള്‍ ദാനം ചെയ്യുക. തല്‍ഫലമായി ചന്ദ്രന്‍ ശക്തനാവുന്നു.

വസ്ത്രങ്ങള്‍

ഗ്രഹദോഷങ്ങളെ അകറ്റുന്നതിന് വേണ്ടി നമുക്ക് പുതപ്പുകളും വസ്ത്രങ്ങളും ദാനം ചെയ്യാവുന്നതാണ്. ഇത് ദാനം ചെയ്യുന്നതിലൂടെ ജീവിതത്തില്‍ നിങ്ങള്‍ ചെയ്ത എല്ലാ ദോഷങ്ങള്‍ക്കും പരിഹാരമാവുന്നു. ഇത് കൂടാതെ രാഹുദോഷത്തെ അകറ്റുന്നതിന് വേണ്ടി നമുക്ക് ഇത്തരം ദാനം സഹായിക്കുന്നു. കറുപ്പും വെളുപ്പും നിറത്തിലുള്ള വസ്ത്രങ്ങളും പുതപ്പും ദാനം ചെയ്യുന്നത് രാഹുവിന്റെയും കേതുവിന്റെയും ദോഷങ്ങളില്‍ നിന്ന് മുക്തി നേടുന്നതിന് നിങ്ങളെ സഹായിക്കുന്നു എന്നാണ് വിശ്വാസം. ഇത്രയും വസ്തുക്കള്‍ ദാനം ചെയ്യുന്നതിലൂടെ നിങ്ങളുടെ ദോഷഫലങ്ങള്‍ മാറുന്നു എന്നാണ് പറയുന്നത്.

Most read:സൂര്യ-ശനി സംയോഗം 4 രാശിക്കാരില്‍ ആഞ്ഞടിക്കും: ജനുവരി 14- നിര്‍ണായകം

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.