പപ്പടം ഒരാഴ്ച ശേഷം ചുവന്ന നിറമോ,മായമില്ലെന്നുറപ്പ്

പപ്പടത്തിലെ ചുവന്ന നിറം

പപ്പടം ഉഴുന്ന് കൊണ്ട് തന്നെയാണ് തയ്യാറാക്കുന്നത് എന്നുണ്ടെങ്കിൽ പെട്ടെന്ന് തിരിച്ചറിയാൻ സാധിക്കും. കാരണം പപ്പടത്തിലെ ചുവന്ന നിറം തന്നെയാണ് ഇതിൽ വളരെയധികം സഹായിക്കുന്നത്. കാരണം ഉഴുന്ന് ചേർത്ത് തയ്യാറാക്കിയ പപ്പടമാണെങ്കിൽ ഏഴ് ദിവസം കൊണ്ട് തന്നെ അതിന്റെ നിറം ചുവന്ന നിറമായി മാറുന്നു. അതിനർത്ഥം പപ്പടം കേടാവാന്‍ തുടങ്ങി എന്നതാണ്.

രാസവസ്തുക്കൾ ചേർത്തതെങ്കിൽ

എന്നാൽ രാസവസ്തുക്കൾ ചേർത്ത പപ്പടമാണെങ്കിൽ ഇത് രണ്ട് മാസം വരെ ഒരു തരത്തിലുള്ള കേടും ആവാതെ ഇരിക്കുന്നു. ഇത് സ്ഥിരമായി കഴിക്കുന്നവരിൽ ഗ്യാസ്, ദഹന സംബന്ധമായ പ്രശ്നങ്ങൾ ഉണ്ടാവുന്നുണ്ട്. ചിലരിൽ ക്യാൻസറിന് വരെ കാരണമാകുന്ന തരത്തിലേക്ക് കാര്യങ്ങൾ എത്തുന്നു. അതുകൊണ്ട് തന്നെ ഇത്തരം കാര്യങ്ങൾ എല്ലാം തന്നെ ശ്രദ്ധിക്കേണ്ടതാണ്.

മായം കലർന്നത് തിരിച്ചറിയാം

മായം കലർന്ന പപ്പടമാണോ എന്ന് തിരിച്ചറിയുന്നതിന് വേണ്ടി പല വിധത്തിലുള്ള പരീക്ഷണങ്ങളും നമുക്ക് നടത്താവുന്നതാണ്. അതിനായി നമുക്ക് വീട്ടിൽ തന്നെ ചെയ്യാവുന്ന ചില പരീക്ഷണങ്ങൾ ഉണ്ട്. അവ എന്തൊക്കെയെന്ന് നോക്കാം. പപ്പടം വരെ രോഗങ്ങൾ സമ്മാനിക്കുന്നതിന് മുൻപ് ഇത്തരം കാര്യങ്ങൾ അൽപം ശ്രദ്ധിച്ചാൽ മതി. ഇത് മായം കലർന്ന പപ്പടത്തെ നമുക്ക് കാണിച്ച് തരുന്നു.

ആദ്യപരീക്ഷണം

ഒരു പാത്രത്തിൽ അല്‍പം വെള്ളമെടുത്ത് അതിൽ പപ്പടം വെക്കാവുന്നതാണ്. പപ്പടം മുഴുവനായി വെള്ളത്തിൽ മുങ്ങുന്ന തരത്തിൽ ആയിരിക്കണം വെള്ളം വെക്കേണ്ടത്. പതിനഞ്ച് ഇരുപത് മിനിട്ട് കഴിഞ്ഞ് പപ്പടം വെള്ളത്തിൽ നിന്ന് എടുക്കുക. ഇത് മാവ് കുഴച്ചതു പോലെ ആണ് നിങ്ങൾക്ക് ലഭിക്കുന്നതെങ്കിൽ അത് ശുദ്ധമായ പപ്പടമായി കണക്കാക്കാവുന്നതാണ്. അതല്ലാതെ പപ്പടം നമ്മൾ എങ്ങനെയാണോ വെച്ചത് അതുപോലെ തന്നെയാണ് ലഭിക്കുന്നതെങ്കിൽ അതിനർത്ഥം പപ്പടത്തിൽ മായം കലർന്നിട്ടുണ്ട് എന്നാണ്.

സാധാരണ പപ്പടമെങ്കിൽ

സാധാരണ മായം ചേർക്കാത്ത പപ്പടമെങ്കിൽ അത് തയ്യാറാക്കുന്നതിന് ഉഴുന്ന് മാവ്, പപ്പടക്കാരം, നല്ലെണ്ണ, ഉപ്പ് എന്നിവയാണ് ചേരുവകൾ. എന്നാല്‍ മായം ചേർത്ത പപ്പടമാണ് നിങ്ങൾക്ക് ലഭിക്കുന്നതെങ്കിൽ ഇതിൽ പപ്പടക്കാരത്തിന് പകരം സോഡിയം ബൈകാർബണേറ്റ് വരെ ഉപയോഗിക്കുന്ന അവസ്ഥയാണ് ഉള്ളത്. ഇതെല്ലാം നിങ്ങളുടെ ആരോഗ്യത്തെ ദിവസവും നശിപ്പിക്കുന്നതാണ് എന്നതാണ് സത്യം. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധയോടെ കൈകാര്യം ചെയ്താൽ നമുക്ക് ആരോഗ്യത്തോടെ കുറച്ച് കാലം കൂടി ജീവിക്കാം.