ഈ ചെടികള്‍ വീട്ടിനുള്ളില്‍ വളര്‍ത്താം; അറിയേണ്ടത് ഇതെല്ലാം

സ്‌നേക്ക് പ്ലാന്റ്

സ്‌നേക്ക് പ്ലാന്റ് പലരുടേയും വീട്ടിലുണ്ടായിരിക്കും. അധികം ശ്രദ്ധിക്കാതെ തന്നെ ഈ ചെടി നിങ്ങള്‍ക്ക് വീട്ടില്‍ വളര്‍ത്താവുന്നതാണ്. ഇത് കാര്‍ബണ്‍ഡൈ ഓക്‌സൈഡിനെ ഓക്‌സിജനായി മാറ്റിയെടുക്കുന്നുണ്ട്. വായു ഫില്‍ട്ടര്‍ ചെയ്യുന്ന ഒരു ചെടിയാണ് സ്‌നേക്ക് പ്ലാന്റ്. വല്ലപ്പോഴും മാത്രം വെള്ളമൊഴിച്ചാല്‍ മതി എന്നുള്ളത് തന്നെയാണ് സ്‌നേക്ക് പ്ലാന്റിന്റെ പ്രത്യേകതയും.

ഹാര്‍ട്ട്‌ലീഫ് ഫിലോഡെന്‍ഡ്രോണ്‍

മികച്ച 10 ഇന്‍ഡോര്‍ ചെടികളുടെ കൂട്ടത്തില്‍ ഏറ്റവും മികച്ച് നില്‍ക്കുന്നതാണ് ഈ ചെടി. ഇതിന്റെ ഇലകള്‍ക്ക് ഹൃദയത്തിന്റെ ആകൃതിയാണ്. അല്‍പം പ്രകാശം, കുറച്ച് വെള്ളം എന്നിവയാണ് ഇതിന് ആവശ്യമുള്ളത്. ഇവയിലൂടെ തന്നെ വളരെ പെട്ടെന്ന് ഈ ചെടി വളരുന്നതാണ്.

ഇംഗ്ലീഷ് ഐവി

ഇംഗ്ലീഷ് ഐവി എന്ന ചെടി നിങ്ങള്‍ക്ക് അധികം പരിചയമുണ്ടാവില്ല. എന്നാല്‍ കോവക്കയുടെ ഇലകള്‍ പോലെയുള്ള ഇലകളാണ് ഈ ചെടിയുടേത്. ഇവ മോശം വായു ശുദ്ധീകരിക്കുന്നതിന് സഹായിക്കുന്നുണ്ട്. ദിവസവും വെള്ളമൊഴിക്കാന്‍ ശ്രദ്ധിക്കേണ്ടതാണ്. മിതമായ വെളിച്ചം ഈ ചെടിക്ക് വളരെ അത്യാവശ്യമാണ്.

ഗോള്‍ഡന്‍ പോത്തോസ്

കാര്‍ബണ്‍ മോണോക്‌സൈഡിനെ ഫില്‍റ്റര്‍ ചെയ്യുന്നതിന് ഏറ്റവും മികച്ചതാണ് ഗോള്‍ഡന്‍ പോത്തോസ്. ഏത് സാഹചര്യത്തിലും നല്ലതുപോലെ വളരുന്നതാണ് ഈ ചെടി. ക്യൂബിക്കിള്‍ പ്ലാന്റ് എന്നും ഇതിനെ അറിയപ്പെടുന്നുണ്ട്. ദിവസവും വെള്ളം ഒഴിക്കുന്നതിന് ശ്രദ്ധിക്കണം. സൂര്യപ്രകാശം ലഭിക്കുന്ന സ്ഥലത്ത് വെക്കുന്നതിന് ശ്രദ്ധിക്കണം.

സ്‌പൈഡര്‍ പ്ലാന്റ്

ശരിക്കും എട്ടുകാലിയുടേതിന് സമാനമാണ് ഈ ചെടി. ഇത് അന്തരീക്ഷത്തിലെ വിഷാംശത്തെ ആഗിരണം ചെയ്യുന്നുണ്ട്. ഇടക്കിടെ സൂര്യപ്രകാശവും വെള്ളവും എല്ലാം ആവശ്യമാണ്. ചെടി നന്നായി മുന്നോട്ട് വളര്‍ന്ന് കഴിഞ്ഞാല്‍ മിതമായ സൂര്യപ്രകാശം മാത്രമേ പാടുള്ളൂ എന്നുള്ളതാണ് ശ്രദ്ധിക്കേണ്ട കാര്യം.

ഗാര്‍ഡനിയ

ഗാര്‍ഡനിയ ചെടികള്‍ വീട്ടിനുള്ളില്‍ വളര്‍ത്താവുന്നതാണ്. ഇത് പല വിധത്തിലുള്ള ആരോഗ്യഗുണങ്ങള്‍ നിങ്ങള്‍ക്ക് നല്‍കാവുന്നതാണ്. മികച്ച് ഉറക്കം നേടുനന്നതിനും പല വിധത്തിലുള്ള ആരോഗ്യ പ്രശ്‌നങ്ങള്‍ക്ക് പരിഹാരം കാണുന്നതിനും മികച്ചതാണ് ഗാര്‍ഡനിയ. നല്ലതുപോലെ സൂര്യപ്രകാശം വേണ്ട സ്ഥലത്താണ് ഇവ വളര്‍ത്തേണ്ടത്. വേരുറച്ച് കഴിഞ്ഞാല്‍ ആഴ്ചയില്‍ ഒരിക്കല്‍ മാത്രം നനച്ചാല്‍ മതി.