പ്രളയശേഷം പാമ്പുകളെ തുരത്താന്‍ വഴികള്‍

ഗ്രാമ്പൂ തൈലം, കറുവാപ്പട്ട തൈലം

ഗ്രാമ്പൂ തൈലം, കറുവാപ്പട്ട തൈലം എന്നിവ വീട്ടിലും പരിസരത്തും തളിയ്ക്കുന്നത് ഇവയെ അകറ്റി നിര്‍ത്താന്‍ ഏറെ സഹായകമാണ്. ഇവ പൊടിച്ചിടുന്നതും നല്ലതാണ്. ഇവയുടെ തീക്ഷ്ണ ഗന്ധം പാമ്പുകളെ അകറ്റി നിര്‍ത്തും.

വെളുത്തുള്ളി

ഇതുപോലെയാണ് വെളുത്തുള്ളിയും. ഇതിന്റെ ഗന്ധവും പാമ്പുകളെ അകറ്റുന്ന ഒന്നാണ്. വെളുത്തുള്ളി ചതച്ച് വീടിന്റെ ചുറ്റുമോ അകത്തോ ഇടാം. അല്ലെങ്കില്‍ ഇതു ചതച്ചു വെള്ളത്തില്‍ കലക്കി ഈ വെള്ളം വീട്ടിലും ചുറ്റുപാടിലും തളിക്കുകയും ചെയ്യാം.

സള്‍ഫറും

സള്‍ഫറും പാമ്പുകളെ അകറ്റി നിര്‍ത്താനുള്ള ഒരു വഴിയാണ്. സള്‍ഫറിന്റെ തീക്ഷ്ണ ഗന്ധം പാമ്പുകളെ അകറ്റി നിര്‍ത്തുന്നു. ഇത് പൊടിച്ച ശേഷം ചുറ്റിലും ഇടാം. ഇങ്ങനെ ചെയ്യുമ്പോള്‍ മൂക്കു മുടി വേണം, ചെയ്യാന്‍. ഇത് വിഷമായതു കൊണ്ടല്ല, ഇതിന്റെ കുത്തിക്കയരുന്ന ഗന്ധം തന്നെയാണ് കാരണം. ഇത് എവിടെ വേണമെങ്കിലും വിതറാം. ആരോഗ്യത്തിനു ദോഷം വരുത്തുകയുമില്ല.

സവാള

സവാളയുടെ ഗന്ധവും പൊതുവേ പാമ്പുകള്‍ക്ക് അലോസരമുണ്ടാക്കുന്ന ഒന്നാണ്. സവാള അരിഞ്ഞോ ചതച്ചോ വയ്ക്കാം. അല്ലെങ്കില്‍ സവാളയുടെ നീരെടുത്ത് തളിയ്ക്കാം. ഇതും പാമ്പിനെ ഒഴിവാക്കാന്‍ ഏറെ നല്ലൊരു വഴിയാണ്.

നാഫ്തലീന്‍ ഗുളിക

നാഫ്തലീന്‍ ഗുളികകള്‍ പോലുള്ളവയും പാമ്പിനെ അകറ്റി നിര്‍ത്താന്‍ ഏറെ നല്ലതാണ്. ഇവ വീടിനു ചുറ്റുപാടും വീടിനുള്ളിലും വിതറുക.

ചുവന്ന മുളകുപൊടി

ചുവന്ന മുളകുപൊടി വീടിനു ചുറ്റും വിതറുന്നതും പാമ്പിനെ ഒഴിവാക്കാനുള്ള നല്ലൊരു വഴിയാണ്. ഇത് മനുഷ്യര്‍ക്കെന്ന പോലെ പാമ്പിനും അസ്വസ്ഥതയുണ്ടാക്കും.

മണ്ണെണ്ണ

മണ്ണെണ്ണ പോലുള്ള ലായനികള്‍ വീടിനു ചുറ്റും തളിയ്ക്കുന്നതും പാമ്പിനെ അകറ്റി നിര്‍ത്താനുളള നല്ലൊരു വഴിയാണ്. ഇവയുടെ ഗന്ധവും പാമ്പിന് അസ്വസ്ഥതയുണ്ടാക്കുന്ന ഒന്നാണ്.

വിനെഗര്‍

ഇതുപോലെ വിനെഗര്‍ തളിയ്ക്കുന്നതും പാമ്പുകളെ അകറ്റി നിര്‍ത്താന്‍ സഹായിക്കുന്ന ഒന്നാണ്. ഇതും പാമ്പുകള്‍ക്ക് അസ്വസ്ഥതയുണ്ടാക്കുന്ന ഒന്നാണ്.

മെറിഗോള്‍ഡ്

മെറിഗോള്‍ഡ് അഥവാ ചെണ്ടുമല്ലി പോലുളള ചെടികള്‍ ചുറ്റിലും വച്ചു പിടിപ്പിയ്ക്കാം. പാമ്പുകള്‍ക്ക് പൊതുവേ അസുഖകരമായ ഗന്ധമാണ് ഇവയുടേത്. ഇതു കൊണ്ടുതന്നെ ഇവയെ അകറ്റി നിര്‍ത്താനും ഇത് സഹായിക്കും.

വീട്ടിലും പരിസരത്തും

വീട്ടിലും പരിസരത്തും പോടുകളുണ്ടെങ്കില്‍ ഇവ അടച്ചു വയ്ക്കുക. ഇത്തരം ഇടങ്ങളില്‍ പാമ്പു കയറിക്കൂടാന്‍ സാധ്യതയുണ്ട്. ഇതുപോലെ സാധനങ്ങള്‍ കൂടിക്കിടക്കാന്‍ അനുവദിയ്ക്കരുത്. പുല്ലു പോലുള്ളവ ശ്രദ്ധിച്ചു വെട്ടി മാറ്റുക. ഇവയ്ക്കിടയില്‍ പാമ്പുകളുണ്ടാകാന്‍ സാധ്യതയേറെയാണ്. ഇത്തം സാധ്യതകള്‍ ഒഴിവാക്കുക.

വീടും പരിസരവും വൃത്തിയാക്കുമ്പോള്‍

വീടും പരിസരവും വൃത്തിയാക്കുമ്പോള്‍ ദോഷകരമല്ലാത്ത വസ്തുക്കള്‍, അതായത് വെളുത്തുള്ളി നീര്, സവാള നീര് പോലുള്ളവ പുരട്ടി വൃത്തിയാക്കുന്നതും ഏറെ നല്ലതാണ്.