ഉപ്പിന്‍റെ അത്ഭുതപ്പെടുത്തുന്ന ഉപയോഗങ്ങള്‍

സവാള/ഉള്ളി ഗന്ധം അകറ്റാം

സവാളയോ വെളുത്തുള്ളിയോ അരിഞ്ഞുകഴിഞ്ഞാല്‍ അവയുടെ ഗന്ധം അത്ര പെട്ടെന്നൊന്നും നമ്മുടെ കൈയ്യില്‍ നിന്നും പോകുകയില്ല. എന്നാല്‍ ഇതിന് പരിഹാരമായി, നിങ്ങള്‍ കൈ കഴുകിയതിന് ശേഷം ആ നനഞ്ഞ കൈയില്‍ കുറച്ച് ഉപ്പെടുത്ത് കൈകള്‍ കൂട്ടിത്തിരുമ്മുക. അതിന് ശേഷം കൈ കഴുകുക. ഉള്ളിയുടെ ദുര്‍ഗന്ധം മാറിക്കിട്ടും.

മുഖക്കുരു അകറ്റുവാന്‍

ഉപ്പ് വെള്ളം ഉപയോഗിച്ച് മുഖം കഴുകുന്നത് മുഖക്കുരു എളുപ്പത്തില്‍ അകറ്റുവാനുള്ള ഏറ്റവും നല്ല മാര്‍ഗ്ഗമാണ്. ഉപ്പിന്‍റെ അംശം മുഖക്കുരു എളുപ്പത്തില്‍ ചുരുങ്ങുവാന്‍ സഹായിക്കുന്നു. വായ്ക്കകത്തെ ചെറിയ പൊട്ടലുകളും കുരുക്കളും അകറ്റുവാനും ഉപ്പുവെള്ളം സഹായിക്കുന്നു..

ഷൂസിന്‍റെ ദുര്‍ഗന്ധം അകറ്റാം

ഷൂസിന്‍റെ ദുര്‍ഗന്ധം നമ്മളെ പലപ്പോഴും നാണംകെടുത്താറുണ്ട്. ഇതിന് പരിഹാരമായി, കുറച്ച് ഉപ്പ് ഒരു തുണിയില്‍ വച്ച് കിഴിയാക്കിയോ അല്ലാതെയോ ഷൂസിനകത്ത് വയ്ക്കുക. രണ്ട് മണിക്കൂറുകള്‍ക്ക് ശേഷം എടുത്ത് നോക്കുക. ദുര്‍ഗന്ധം പമ്പ കടന്നിട്ടുണ്ടാവും.

വീട്ടില്‍ തന്നെ പെയ്ന്റ് ഉണ്ടാക്കാം

ഒരു കപ്പ്‌ മൈദ, ഒരു കപ്പ്‌ ഉപ്പും വെള്ളവും കൂടിയ മിശ്രിതത്തില്‍ ചേര്‍ക്കുക. ഇതിലേക്ക് കുറച്ച് തുള്ളികളായി ഫുഡ് കളര്‍ ചേര്‍ക്കുക. നിങ്ങളുടെ വീട്ടില്‍ തന്നെ ഉണ്ടാക്കിയ പെയ്ന്റ് തയ്യാര്‍!

മുറിച്ച പഴങ്ങള്‍ പുതുമയുള്ളതായി ഇരിക്കാന്‍

ഉപ്പിന്‍റെ ഏറ്റവും നല്ല ഉപയോഗങ്ങളില്‍ ഒന്നാണ്, മുറിച്ച് വച്ച പഴവര്‍ഗ്ഗങ്ങള്‍ കേടുകൂടാതെ, പുതുമയുള്ളതായി സൂക്ഷിക്കാന്‍ സഹായിക്കുന്നത്. ഇതിനായി, കുറച്ച് ഉപ്പ് കഷണങ്ങളായി മുറിച്ച പഴങ്ങളില്‍ വിതറുക. ഇത് പഴങ്ങളുടെ നിറം മാറാതെ സഹായിക്കും.

പ്രകൃതിദത്ത റൂം ഫ്രഷ്നര്‍

അര കപ്പ്‌ ഉപ്പെടുക്കുക. അതിലേക്ക് കുറച്ച് റോസാപ്പൂ ഇതളുകളും ഏകദേശം 30 തുള്ളി സുഗന്ധതൈലവും ചേര്‍ക്കുക. കൂടുതല്‍ നൈസര്‍ഗിക വരുത്തുവാനായി ഈ മിശ്രിതം പകുതി തൊലി കളഞ്ഞ ഓറഞ്ചിനു മുകളില്‍ വയ്ക്കുക. മുറി മുഴുവന്‍ സുഗന്ധപൂരിതമാക്കുവാന്‍ ഇത് നിങ്ങളെ സഹായിക്കും.