എട്ടുകാലികളെ ഒഴിവാക്കൂ

പാറ്റ, പല്ലി, ഉറുമ്പ് ഇങ്ങനെ പോകുന്നു വീട്ടില്‍ നമുക്കു ശല്യമായിത്തോന്നുന്ന ക്ഷുദ്ര ജീവികള്‍. ഇതില്‍ എട്ടുകാലികള്‍ക്കും പ്രധാന സ്ഥാനമുണ്ടെന്നു വേണെങ്കില്‍ പറയാം.

വീട്ടിന്റെ അവിടെയും ഇവിടെയുമെല്ലാം വല കെട്ടി വൃത്തികേടാക്കുന്നതു മാത്രമല്ല, ഇവ ഭക്ഷണത്തിലോ മറ്റോ വീണാല്‍ വിഷാംശമുണ്ടാകുമെന്നതും വസ്ത്രങ്ങളില്‍ കൂടി ഇവ സഞ്ചരിച്ചാല്‍ ചര്‍മത്തില്‍ അലര്‍ജിയുണ്ടാകുമെന്നതുമെല്ലാം പാര്‍ശ്വഫലങ്ങളുമാണ്.

എട്ടുകാലികളെ വീട്ടില്‍ നിന്നും ഒഴിവാക്കാനുള്ള ചില വഴികളെക്കുറിച്ചറിയൂ,

പുതിനയിട്ട വെള്ളം സ്‌പ്രേ ചെയ്യുന്നത് എട്ടുകാലികളെ അകറ്റാനുള്ള ഒരു പ്രധാന വഴിയാണ്.

സിട്രസ് ഫലങ്ങളുടെ തോട്, അതായത് ചെറുനാരങ്ങ, ഓറഞ്ച് തുടങ്ങിയവയുടെ തോടുകള്‍ വീടിനുള്ളില്‍ സൂക്ഷിയ്ക്കുന്നത് എട്ടുകാലികളെ ഒഴിവാക്കാനുള്ള ഒരു എളുപ്പ വഴിയാണ്.

പുകയില എട്ടുകാലികള്‍ക്ക് ഇഷ്ടമില്ലാത്ത മറ്റൊരു വസ്തുവാണ്. സിഗരറ്റിലെ പുകയില എവിടെയെങ്കിലും വിതറി നോക്കൂ, എട്ടുകാലികളെ ഒഴിവാക്കാനാകും.

ചെസ്റ്റ്‌നട്ട് എന്നറിയപ്പെടുന്ന ഒരിനം കായയുണ്ട്. ഇതും എട്ടുകാലികളെ ഒഴിവാക്കാന്‍ സഹായിക്കുന്ന ഒന്നാണ്.

പൂച്ചപ്രേമികളാണെങ്കില്‍ വീട്ടില്‍ പൂച്ചകളെ വളര്‍ത്തുന്നത് നല്ലൊരു വഴിയാണ്. ഇവ എട്ടുകാലികളെ കണ്ടെത്തി നശിപ്പിയ്ക്കും.