വസ്ത്രങ്ങളിലെ ഗ്രീസ് കറ കളയാം

വൃത്തിയുള്ള വസ്ത്രങ്ങള്‍ ഒരാളുടെ പേഴ്‌സണാലിറ്റിയെ സ്വാധീനിയ്ക്കുന്ന പ്രധാന ഘടകമാണ്. നമുക്കു പ്രിയപ്പെട്ടതും ഭംഗിയുള്ളതുമായ പല വസ്ത്രങ്ങളിലും ചിലപ്പോള്‍ അബദ്ധത്തിലോ അശ്രദ്ധ കാരണമോ പല കറകളും പറ്റാറുണ്ട്. ചിലപ്പോള്‍ വീണ്ടും ഉപയോഗിയ്ക്കാന്‍ പറ്റാത്ത വിധത്തിലുള്ള കറകളുമുണ്ടാകും.

ബസിലും കാറിലും മറ്റും യാത്ര ചെയ്യുമ്പോള്‍ വസ്ത്രങ്ങളില്‍ ഗ്രീസ് കറ പുരളാന്‍ സാധ്യത കൂടുതലാണ്. വാഹനങ്ങളുമായി ബന്ധപ്പെട്ട ജോലികള്‍ ചെയ്യുമ്പോള്‍ പ്രത്യേകിച്ചും.

വസ്ത്രത്തിലെ ഗ്രീസ് കറകള്‍ കളയാനുള്ള ചില വഴികളെക്കുറിച്ചറിയൂ,

ഗ്രീസ് കറ പുരണ്ടാല്‍ ഇത് കൈ കൊണ്ടു തുടയ്ക്കുകയോ വെള്ളം ഉപയോഗിച്ചു തുടയക്കുകയോ അരുത്. ഇത് പടരാതിരിയ്ക്കാന്‍ ടാല്‍കം പൗഡല്‍ പുരട്ടാം. ഇതിട്ട് നല്ലപോലെ തിരുമ്മുക.

ഉപ്പ് ഗ്രീസ് കറ കളയാനുള്ള മറ്റൊരു വഴിയാണ.് അല്‍പം ആല്‍ക്കഹോളില്‍ ഉപ്പിട്ട് ഈ ലായനി കൊണ്ട് ഈ ഭാഗം ഉരയ്ക്കുക. പിന്നീട് കഴുകാം.

ഗ്രീസ് കറയായ ഭാഗത്ത് ബേക്കിംഗ് സോഡ വിതറുക. അര മണിക്കൂര്‍ കഴിഞ്ഞ് ഇവിടം അല്‍പം വെള്ളം തളിച്ച് നല്ലപോലെ ഉരയ്ക്കാം. കറ പോകും.

ചെറുനാരങ്ങാനീരും വിനെഗറും ചേര്‍ന്ന മിശ്രിതം ഉപയോഗിച്ച് കറയായ ഭാഗം കഴുകാം. ഇത് കറ കളയുമെന്നു മാത്രമല്ല, വസ്ത്രങ്ങളിലെ ദുര്‍ഗന്ധം നീങ്ങുകയും ചെയ്യും.

കോണ്‍സ്റ്റാര്‍ച്ച് കറയായ ഭാഗത്ത് പുരട്ടി അല്‍പനേരം വയ്ക്കുക. പിന്നീട് കഴുകാം. ഇതും ഗ്രീസ് കറ കളയാന്‍ സഹായിക്കും.

വീട്, പൊടിക്കൈ, വൃത്തി, ഗ്രീസ് കറ, ബേക്കിംഗ് സോഡ