ചോപ്പിംഗ്‌ ബോര്‍ഡ്‌ വൃത്തിയാക്കാം

Published: Tuesday, September 16, 2014, 15:37 [IST]

അടുക്കളയില്‍ അത്യാവശ്യമായ സാധനങ്ങളുടെ ലിസ്റ്റില്‍ പെട്ട ഒന്നാണ്‌ ചോപ്പിംഗ്‌ ബോര്‍ഡ്‌. പച്ചക്കറികളും മറ്റും അരിയുന്നതിന്‌ വീട്ടമ്മമാര്‍ക്കുള്ള ഒരു സഹായി.

സാധനങ്ങള്‍ വച്ച്‌ അരിയുന്നതു കൊണ്ടുതന്നെ ഇതില്‍ കറ പറ്റാനുള്ള സാധ്യതയും കൂടുതലാണ്‌. ഇത്‌ എത്ര കഴുകിയാലും കാലക്രമേണ കറുത്ത നിറത്തിലാകും.

ചോപ്പിംഗ്‌ ബോര്‍ഡ്‌ വൃത്തിയാക്കാനുള്ള ചില എളുപ്പവഴികളെക്കുറിച്ചറിയൂ,

ചെറുനാരങ്ങാനീര്‌

ചോപ്പിംഗ്‌ ബോര്‍ഡില്‍ കറകളായിട്ടുണ്ടെങ്കില്‍ ചെറുനാരങ്ങാനീര്‌ പുരട്ടി അല്‍പ സമയം കഴിയുമ്പോള്‍ വൃത്തിയാക്കാം.

വിനെഗര്‍

ചോപ്പിംഗ്‌ ബോര്‍ഡ്‌ വിനെഗര്‍ കലര്‍ത്തിയ വെള്ളത്തില്‍ ഇറക്കി വയ്‌ക്കുക. ഇത്‌ പത്തു മിനിറ്റു കഴിഞ്ഞ്‌ ലിക്വിഡ്‌ സോപ്പിട്ടു കഴുകിയെടുക്കാം.

ഉപ്പ്‌

ചോപ്പിംഗ്‌ ബോര്‍ഡില്‍ കറുപ്പു നിറം വന്നിട്ടുണ്ടെങ്കില്‍ ഉപ്പിട്ട്‌ ഉരയ്‌ക്കാം. ചെറുനാരങ്ങാത്തൊണ്ടില്‍ അല്‍പം ഉപ്പു പുരട്ടി ഇതുകൊണ്ടുരച്ചാല്‍ കൂടുതല്‍ നല്ലതാണ്‌.