ആഭരണങ്ങള്‍ വൃത്തിയാക്കും എളുപ്പവഴികള്‍

അമോണിയ

വജ്രങ്ങള്‍ ഇഷ്ടപ്പെടാത്ത സ്ത്രീകളുണ്ടാവില്ല. എന്നാല്‍ ഇവ അഴുക്ക് പുരണ്ടാല്‍ ആകര്‍ഷണീയത കുറയും. വജ്രങ്ങള്‍ വൃത്തിയാക്കാനായി ഒരു കപ്പ് ചൂടുവെള്ളം, കാല്‍ കപ്പ് അമോണിയ എന്നിവ ചേര്‍ത്ത് ലായനിയുണ്ടാക്കി അതില്‍ വജ്രം മുക്കി, കടുപ്പം കുറഞ്ഞ ഒരു ബ്രഷ് ഉപയോഗിച്ച് ഉരച്ച് വൃത്തിയാക്കാം. വജ്രത്തിന്‍റെ ദ്വാരങ്ങളും, അടിഭാഗവും ഇങ്ങനെ വൃത്തിയാക്കണം.

വിനാഗിരി

വിനാഗിരി ഉപയോഗിച്ച് സ്വര്‍ണ്ണാഭരണങ്ങളും, രത്നക്കല്ലുകളും വൃത്തിയാക്കുന്നത് അത്ര എളുപ്പമല്ല. ഇതിനായി വിനാഗിരിയൊഴിച്ച ജാറില്‍ ആഭരണങ്ങള്‍ 10-15 മിനുട്ട് ഇട്ടുവെയ്ക്കുക. തുടര്‍ന്ന് മൃദുവായ ഒരു ബ്രഷ് ഉപയോഗിച്ച് വൃത്തിയാക്കുക.

അന്‍റാസിഡ്

ഗ്യാസ്ട്രബിള്‍ പരിഹരിക്കാനുപയോഗിക്കുന്ന അന്‍റാസിഡ് ആഭരണങ്ങള്‍ വൃത്തിയാക്കാനും ഉപയോഗിക്കാം. ഇതിനായി രണ്ട് അന്‍റാസിഡ് ഗുളിക ഒരു ഗ്ലാസ് ചൂട് വെള്ളത്തിലിട്ട് അതിലേക്ക് ആഭരണങ്ങളുമിടുക. രണ്ട് മിനുട്ട് കഴിഞ്ഞ് ഇവയെടുത്ത് കഴുകി വൃത്തിയാക്കാം.

അലുമിനിയം ഫോയില്‍

മങ്ങിപ്പോയ വെള്ളി ആഭരണങ്ങള്‍ക്ക് പഴയ നിറം തിരികെ ലഭിക്കാന്‍ അലുമിനിയം ഫോയില്‍ ഉപയോഗിക്കാം. ഒരു ട്രേയില്‍ ചുളുങ്ങിയ അലുമിനിയം ഫോയില്‍ വിരിച്ച് അതില്‍ ആഭരണം വെയ്ക്കുക. അതിന് മേലെ അല്പം ബേക്കിംഗ് സോഡ വിതറി തിളച്ച വെള്ളം മുകളില്‍ ഒഴിക്കുക. ആഭരണം ഫോയിലുമായി ഉരസുന്നതിനായി അല്പസമയം ഇളക്കിയ ശേഷം എടുത്ത് കഴുകി വൃത്തിയാക്കുക.

സോപ്പും വെള്ളവും

മൃദുവായതും,സുഷിരങ്ങളുള്ളതുമായ മുത്തുകള്‍, വൈഡൂര്യം പോലുള്ളവ വൃത്തിയാക്കാന്‍ വെള്ളവും സോപ്പും തന്നെയാണ് ഏറ്റവും അനുയോജ്യം. രണ്ട് കപ്പ് ചൂട് വെള്ളത്തില്‍ അല്പം സോപ്പ് പൊടി ചേര്‍ത്ത് തയ്യാറാക്കിയ ലായനിയില്‍ ഇവ കഴുകിയെടുക്കാം. ഓരോ മുത്തും ഉണങ്ങിയ കോട്ടണ്‍ തുണികൊണ്ട് തുടച്ച് ഉണങ്ങാന്‍ വെയ്ക്കുക. മുത്തുകള്‍ എളുപ്പം ചെളിപുരളുന്നവയല്ല. വൃത്തിയാക്കാനായി മുത്തുകള്‍ വേര്‍പെടുത്തിയെടുക്കുന്നതുകൊണ്ടും പ്രശ്നമില്ല.