ഇറച്ചി മൃദുവാക്കാന്‍ വഴികള്‍

ഇറച്ചി പാചകം ചെയ്യുന്നതിന് ഒരു മണിക്കൂര്‍ മുന്‍പു തന്നെ ഇതില്‍ ഉപ്പു പുരട്ടി വയ്ക്കുക. ഇത് പ്രോട്ടീനുകളെ ചെറുതായി മുറിയ്ക്കുകയും ഇറച്ചി മൃദുവാക്കുകയും ചെയ്യും.

ചെറുനാരങ്ങാനീരും ഇറച്ചി മൃദുവാക്കാന്‍ നല്ലതു തന്നെയാണ്. പാചകം ചെയ്യുന്നതിന് അല്‍പം മുന്‍പായി ഇത് ഇറച്ചിയില്‍ പുരട്ടി വയ്ക്കുക. ഇറച്ചിയില്‍ മസാല നല്ലപോലെ പിടിക്കാനും ഇത് നല്ലതാണ്.

തക്കാളി കൊണ്ടുള്ള സോസുകളും നല്ലതാണ്. ഇവ ഇറച്ചിയില്‍ പുരട്ടി വയ്ക്കാം. ഇറച്ചി മൃദുവാക്കാന്‍ ഇവയും സഹായിക്കും. ഇവയിലെ ആസിഡുകളാണ് ഇതിന് സഹായിക്കുന്നത്. ബാര്‍ബക്യൂ സോസുകളില്‍ ഇവ ഉപയോഗിക്കുന്നതിന്റെ കാരണവും ഇതു തന്നെ.

ബിയറും ഇറച്ചി മൃദുവാക്കാന്‍ പറ്റിയ ഒരു മാര്‍ഗം തന്നെയാണ്. ഇതില്‍ ആല്‍ഫ ആസിഡുകളും ടാനിനുകളും ധാരാളം അടങ്ങിയിട്ടുണ്ട്. ഇത് ഇറച്ചിയെ മൃദുവാക്കും. ചിക്കന്‍ ഗ്രില്‍ ചെയ്യുന്നതിനും വറുക്കുന്നതിനുമാണ് ഈ മാര്‍ഗം കൂടുതല്‍ നല്ലത്. ബിയര്‍ ഇറച്ചിയുടെ രുചി വര്‍ദ്ധിപ്പിക്കുകയും ചെയ്യും.

കോളയും ഇറച്ചിയില്‍ പുരട്ടി വയ്ക്കുന്നത് രുചി കൂടുതല്‍ നല്ലതു തന്നെയാണ്. ഇത് അരമണിക്കൂര്‍ മുന്‍പു മുതല്‍ ഒരു ദിവസം വരെ പുരട്ടി വയ്ക്കാം. എന്നാല്‍ ഡയറ്റ് സോഡ ഇറച്ചിയില്‍ പുരട്ടി വയ്ക്കുന്നതു കൊണ്ടു കാര്യമില്ല.

ഇഞ്ചി അരച്ച് ഇറച്ചിയില്‍ പുരട്ടി വയ്ക്കുന്നതു കൊണ്ട് രുചി കൂടുക മാത്രമല്ല, ഇറച്ചി കൂടുതല്‍ മൃദുവാകുകയും ചെയ്യും. ഇതിലെ പ്രോട്ടിയോലൈറ്റിക് എന്‍സൈമാണ് ഈ ഗുണമുണ്ടാക്കുന്നത്.

ഇറച്ചി ഗ്രില്‍ ചെയ്യുന്നതിന് മുന്‍പ് ഇതില്‍ കാപ്പി പുരട്ടി വയ്ക്കുന്നത് സ്വാദു വര്‍ദ്ധിപ്പിക്കുകയും ഇറച്ചി മൃദുവാക്കുകയും ചെയ്യുന്നു. കാപ്പി തിളപ്പിച്ച് തണുത്ത ശേഷം ഇറച്ചിയില്‍ പുരട്ടി വയ്ക്കാം.

തൈര്, മോര് തുടങ്ങിയവയും ഇറച്ചിയില്‍ പുരട്ടി വയ്ക്കുന്നത് ഗുണം ചെയ്യും. ഇതിലെ കാല്‍സ്യവും ആസിഡുകളും ഇറച്ചിയിലെ പ്രോട്ടീനുകളെ ഉടയ്ക്കുകയും ഇറച്ചി മൃദുവാക്കുകയും ചെയ്യുന്നു.

ഫിഗ്, പൈനാപ്പിള്‍, കിവി, പപ്പായ തുടങ്ങിയവയും ഇറച്ചിയില്‍ പുരട്ടി വയ്ക്കുന്നത് നല്ലതാണ്. ഇവ മുറിച്ചിടുകയോ ഉടച്ചു പുരട്ടുകയോചെയ്യാം. ഇറച്ചി പാകം ചെയ്യുന്നതിന് ഒന്നു രണ്ടു മണിക്കൂര്‍ മുന്‍പ് ഇത് ഉടച്ച് പുരട്ടി വയ്ക്കാം.

കട്ടന്‍ ചായയും ഇറച്ചി മൃദുവാക്കാനുള്ള ഒരു വഴിയാണ്. ഇതിലെ ടാനിക് ആസിഡാണ് ഇറച്ചി മൃദുവാക്കാന്‍ സഹായിക്കുന്നത്. ചായ തിളപ്പിച്ച് തണുപ്പിച്ച ശേഷം ഇത് ഇറച്ചിയില്‍ പുരട്ടി വയ്ക്കാം.