പുതിയ വീട് വൃത്തിയാക്കൂ

പുതിയ വീട് വൃത്തിയാക്കൂ

പുതിയ വീട്ടിലേക്കു മാറുന്നത് സന്തോഷകരമാണെങ്കിലും ആകെ തിക്കും തിരക്കും നിറഞ്ഞ ഒരു കാര്യമാണ്. ഏതു വീട്ടിലേക്കാണോ മാറുന്നത്, ആ വീട് ആദ്യമേ തന്നെ കൃത്യമായി ഒരുക്കിയിട്ടാല്‍ ഇത്തരം ബുദ്ധമുട്ടുകള്‍ ഒഴിവാക്കാവുന്നതേയുള്ളൂ.

ആദ്യമായി മാറിത്താമസിക്കുന്ന വീട്ടിലെത്തി സാധനങ്ങള്‍ തുറക്കുന്നതിനു മുന്‍പ് വീട് മുഴുവന്‍ വൃത്തിയാക്കണം. വീടിന്റെ ജനല്‍, വാതിലുകള്‍ എന്നിവ ആദ്യം വൃത്തിയാക്കണം. മാറാല, ചിതല്‍ എന്നിവ ഇത്തരം സ്ഥലങ്ങളില്‍ സ്ഥാനം പിടിക്കാന്‍ സാധ്യത ഏറെയുണ്ട്.

പുതിയ വീട് വൃത്തിയാക്കൂ

മുറികള്‍ തുറന്നിട്ട് നല്ലപോലെ സൂര്യപ്രകാശം എത്തിക്കുക. മുറിയ്ക്കുള്ളിലെ രോഗാണുക്കളെ നശിപ്പിക്കാനുള്ള നല്ലൊരു വഴി കൂടിയാണ് ഇത്. തറ ഏതെങ്കിലും അണുനാശിനി ഒഴിച്ച വെള്ളം കൊണ്ട് തുടച്ച് വൃത്തിയാക്കുകയും വേണം.

പുതിയ വീട് വൃത്തിയാക്കൂ

തുണികള്‍ അലമാരയില്‍ വയ്ക്കുന്നതിന് മുന്‍പ് അവിടെയും നല്ലപോലെ തുടച്ചു വൃത്തിയാക്കണം. തുണികള്‍ കൃത്യമായി മടക്കി അടുക്കി വയ്ക്കാന്‍ ശ്രദ്ധിയ്ക്കുകയും വേണം.

പുതിയ വീട് വൃത്തിയാക്കൂ

ബാത്ത്‌റൂം വൃത്തിയാക്കേണ്ട സ്ഥലങ്ങളില്‍ പ്രധാനപ്പെട്ട ഒന്നാണ്. ഇവിടെ ലോഷനുളൊഴിച്ച് വൃത്തിയാക്കുക. ക്ലോസറ്റും മറ്റും വളരെ വൃത്തിയാക്കിയ ശേഷം മാത്രം ഉപയോഗിക്കുക. രോഗാണുക്കള്‍ കൂടുതലുണ്ടാകാന്‍ സാധ്യതയുള്ള സ്ഥലമാണിത്.

പുതിയ വീട് വൃത്തിയാക്കൂ

അടച്ചിട്ടിരിക്കുന്ന വീട്ടിലേക്കാണ് മാറുന്നതെങ്കില്‍ വായു കയറാത്തതു കൊണ്ടുതന്നെ ദുര്‍ഗന്ധമുണ്ടാകാന്‍ സാധ്യത കൂടുതലാണ്. ഇവിടെ സുഗന്ധമുണ്ടാക്കുന്ന മെഴുകുതിരി പോലുള്ളവ വയ്ക്കുന്നത് നല്ലതാണ്.