കുക്കര്‍ ഉപയോഗിക്കുമ്പോള്‍

Improvement

oi-Saritha

By Veena

Updated: Friday, August 10, 2012, 18:15 [IST]

വീട്ടമ്മമാരുടെ പാചകം എളുപ്പമാക്കുന്നതില്‍ നല്ലൊരു പങ്ക് പ്രഷര്‍ കുക്കറിനുണ്ട്. എന്നാല്‍ സൂക്ഷിച്ച് ഉപയോഗിച്ചില്ലെങ്കില്‍ അപകടങ്ങളുണ്ടാകാന്‍ എളുപ്പവുമാണ്. കുക്കര്‍ ഉപയോഗിക്കുമ്പോള്‍ ശ്രദ്ധിക്കേണ്ട ചില കാര്യങ്ങളിതാ,

കുക്കറിന്റെ സേഫ്റ്റി വാല്‍വ് അതാതു സമയത്തു തന്നെ മാറാന്‍ ശ്രദ്ധിക്കണം. അതേ കമ്പനിയുടെ തന്നെ നോക്കി വാങ്ങിക്കുകയും വേണം. ഒരു കുക്കറിന്റ വാല്‍വ് മറ്റൊരു കുക്കറിന് പാകമായെന്നു വരില്ല. മാത്രമല്ലാ, ഇവ അപകടസാധ്യത വര്‍ദ്ധിപ്പിക്കുകയും ചെയ്യും.

പ്രഷര്‍ കുക്കറില്‍ ഒരിക്കലും മുഴുവനായും ആഹാരം വയ്ക്കരുത്. പകുതി മാത്രമെ വയ്ക്കാവൂ. വല്ലാതെ കുത്തിനിറച്ച് ഭക്ഷണം പാകം ചെയ്താല്‍ കുക്കര്‍ കേടാവുകയും ചെയ്യും.

ആഹാരം വെന്തു കഴിഞ്ഞ് അധികനേരം വെയ്റ്റ് കുക്കറിനു മുകളില്‍ വയ്ക്കരുത്. ഇത് ഭക്ഷണത്തിന് രുചി വ്യത്യാസമുണ്ടാകാന്‍ വഴിയൊരുക്കും.

ആവി മുഴുവനും പോകാതെ കുക്കറിന്റെ അടപ്പ് തുറക്കരുത്. പെട്ടെന്ന് കുക്കര്‍ തുറക്കേണ്ടി വന്നാല്‍ പച്ചവെള്ളത്തില്‍ ഇറക്കി വച്ചിട്ടു തുറക്കുക. അല്ലെങ്കില്‍ പച്ചവെള്ളം കുക്കറിന് മുകളിലേക്ക് തുറന്നൊഴിക്കുക.

കുക്കറിന്റെ വെയ്റ്റ് വയ്ക്കുന്ന ദ്വാരം ഭക്ഷണ അവശിഷ്ടങ്ങള്‍ നിറഞ്ഞ് അടഞ്ഞിരിക്കാന്‍ സാധ്യതയുണ്ട്. ഇത് നീക്കാന്‍ കൂര്‍ത്ത സാധനങ്ങള്‍ കൊണ്ട് വൃത്തിയാക്കാന്‍ ശ്രമിക്കരുത്. തുണി തെറുത്ത് ദ്വാരം വൃത്തിയാക്കുക.