പട്ടുസാരി ശരിയായി സൂക്ഷിക്കാം

Improvement

oi-Saritha

By Veena

Updated: Friday, August 3, 2012, 14:18 [IST]

പട്ടുസാരികള്‍ മിക്കവാറും സ്ത്രീകളുടെ പ്രിയവേഷമാണ്. പ്രത്യേകിച്ച് ആഘോഷവേളകളില്‍. ഇവ മിക്കവാറും പേര്‍ വല്ലപ്പോഴുമേ ഉപയോഗിക്കാറുമുള്ളൂ. എന്നാല്‍ ഇത് വേണ്ട രീതിയില്‍ സൂക്ഷിച്ചില്ലെങ്കില്‍ പെട്ടെന്ന് ചീത്തായാവുകയും ചെയ്യും.

പട്ടുസാരി കഴുകാന്‍ സാധിക്കുന്നതാണോയെന്ന ആദ്യം അറിഞ്ഞു വയ്ക്കുക. അല്ലെങ്കില്‍ ഡ്രൈക്ലീന്‍ ചെയ്യേണ്ടി വരും.

ഡിറ്റര്‍ജന്റ്, സോപ്പുപൊടി എന്നിവ ഉപയോഗിച്ച് ഇവ കഴുകരുത്. വീര്യം കുറഞ്ഞ കുളിയ്ക്കാന്‍ ഉപയോഗിക്കുന്ന സോപ്പ് ഉപയോഗിക്കുന്നതാണ് നല്ലത്.

കഴുകുമ്പോള്‍ യാതൊരു കാരണവശാലും ബ്രഷുപയോഗിക്കരുത്. തുണി കേടാകും.

പട്ടുസാരി ആദ്യം കഴുകുമ്പോള്‍ നിറം പോകാതിരിക്കാന്‍ കഴുകുന്ന വെള്ളത്തില്‍ ഒരല്‍പം ഉപ്പിടുന്നത് നല്ലതാണ്. ഉപ്പിന്റെ അംശം മുഴുവന്‍ കഴുകിക്കളയുകയും വേണം.

പട്ടുസാരിയില്‍ കറയായാല്‍ ആ ഭാഗത്ത് അല്‍പം പെട്രോള്‍ പുരട്ടി ചൗവരിയിട്ടു തിളപ്പിച്ച വെള്ളത്തില്‍ നന്നായി കഴുകുന്നത് ഗുണം ചെയ്യും.

സാരികള്‍ മടക്കി വയ്ക്കുന്നതിനേക്കാള്‍ ഹാംഗറില്‍ തൂക്കിയിടുക. മടക്കി വച്ചാല്‍ ആ ഭാഗത്ത് പാടു വീഴാന്‍ സാധ്യതയുണ്ട്. മടക്കി വയ്ക്കുകയാണെങ്കില്‍ തന്നെ പേപ്പറില്‍ പൊതിഞ്ഞു മടക്കി വയ്ക്കുക.

ഇടയ്ക്കിടെ പട്ടുസാരി നിവര്‍ത്തി കാറ്റും വെളിച്ചവും കൊള്ളിക്കുന്നത് നല്ലതാണ്.

നല്ല തണുത്ത വെള്ളത്തില്‍ മാത്രമേ പട്ടുസാരികള്‍ കഴുകാവൂ. തണലിലിട്ടു തന്നെ ഉണക്കുകയും വേണം.