പച്ചക്കറികളിലെ കീടനാശിനി കളയാം

Improvement

oi-Saritha

By Veena

Updated: Wednesday, July 25, 2012, 15:31 [IST]

കടയില്‍ നിന്നും പച്ചക്കറികളും പഴങ്ങളും വാങ്ങി ധൈര്യമായി കഴിക്കാനാവത്ത കാലമാണിത്. മായവും കീടനാശിനികളും ആരോഗ്യം നന്നാക്കുന്നതിനു പകരം അസുഖങ്ങളുണ്ടാക്കുന്ന സാഹചര്യം. പച്ചക്കറികളിലേയും പഴവര്‍ഗങ്ങളിലേയും വിഷപദാര്‍ത്ഥങ്ങള്‍ കളയേണ്ടേ,

പച്ചക്കറികളും പഴവര്‍ഗങ്ങളും നല്ലപോലെ കഴുകിയ ശേഷം മാത്രം ഉപയോഗിക്കുക. ഇവ ഇളം ചൂടുവെള്ളത്തില്‍ അല്‍പം ഉപ്പ്, മഞ്ഞള്‍പ്പൊടി എന്നിവയിട്ട് ഇതില്‍ അല്‍പനേരം മുക്കി വയ്ക്കുക.

കറിവേപ്പില, മല്ലിയില, ചീര, എന്നിവ ഉപ്പും മഞ്ഞളുമിട്ട വെള്ളത്തില്‍ മുക്കി വയ്ക്കാം.

നല്ല മിനുത്തിരിക്കുന്ന ആപ്പിളിനു മുകളില്‍ കേടാകാതിരിക്കാന്‍ വാക്‌സ് പുരട്ടാറുണ്ട്. ഇത് നല്ലപോലെ ഉരച്ചു കഴുകിയാലേ പോകൂ. അല്ലെങ്കില്‍ ചെറുചൂടുള്ള വെള്ളത്തില്‍ ഇട്ടു വയ്ക്കുക.

അല്‍പം ബേക്കിംഗ് സോഡ വെള്ളത്തില്‍ കലര്‍ത്തി ഇതില്‍ പച്ചക്കറികള്‍ മുക്കി വയ്ക്കാം.

ക്യാബേജിന്റെ പുറത്തായിരിക്കും കീടനാശികള്‍ പറ്റുക. പുറത്തെ രണ്ടുമൂന്ന് ഇതളുകള്‍ പൊളിച്ചു കളയുക.

പച്ചക്കറി ഞെട്ടുകളില്‍ കൂടുതല്‍ രാസവസ്തുക്കള്‍ പറ്റിപ്പിടിക്കാന്‍ സാധ്യത കൂടുതലാണ്. ഞെട്ടു നീക്കി മാത്രം ഇവ മുറിക്കുകയും ഉപയോഗിക്കുകയും ചെയ്യുക.

പച്ചക്കറികളുടേയും പഴങ്ങളുടേയും തൊലി നീക്കിയാല്‍ വിഷവസ്തുക്കളും പോയിക്കിട്ടും. തൊലി കളയാന്‍ സാധിക്കുന്നവയുടെ തൊലി കളഞ്ഞ് ഉപയോഗിക്കുക.