എയര്‍ ഫ്രഷ്‌നര്‍ വീട്ടിലുണ്ടാക്കാം

Improvement

oi-Saritha

By Veena

Published: Tuesday, June 26, 2012, 12:25 [IST]

എയര്‍ ഫ്രഷ്‌നറുകള്‍ എല്ലാവരും കൃത്രിമമായി ലഭിക്കുന്നവയാണ് ഉപയോഗിക്കാറ്. എന്നാല്‍ ഇത്തരം എയര്‍ ഫ്രഷ്‌നറുകള്‍ നമുക്കു തന്നെ ഉണ്ടാക്കാന്‍ സാധിക്കും.

ലാവെന്‍ഡര്‍ ഓയില്‍ പോലെ മണമുള്ള എണ്ണകള്‍ കൊണ്ട് എയര്‍ ഫ്രഷ്‌നറുകള്‍ ഉണ്ടാക്കാന്‍ സാധിക്കും. ഒരു സ്പൂണ്‍ എണ്ണയെടുത്ത് ഇതിലേക്ക് പകുതി കപ്പ് വിനെഗറും രണ്ടു കപ്പ് വെള്ളവും ചേര്‍ക്കുക. ഇത് നല്ലപോലെ കുലുക്കി സ്േ്രപ ചെയ്യുന്ന കുപ്പിയിലേക്ക് ഒഴിച്ച് സ്‌പ്രേ ചെയ്യാം.

പൂക്കളുടെ മണമുള്ള സ്‌പ്രേകളായിരിക്കും എല്ലാവര്‍ക്കും താല്‍പര്യം. ഇതും വീട്ടിലുണ്ടാക്കാവുന്നതേയുള്ളൂ. മുല്ല, റോസ് തുടങ്ങിയവ ഇതിന് ഉപയോഗിക്കാം. ഈ പൂക്കള്‍ വെള്ളത്തിലട്ട് തിളപ്പിക്കുക. കുറഞ്ഞ തീയില്‍ അര മണിക്കൂറോളം തിളപ്പിക്കണം. ഈ വെള്ളം അരിച്ചെടുത്ത് സ്‌പ്രേ ആയി ഉപയോഗിക്കാം.

ഗ്രാമ്പൂ, പട്ട എന്നിവയും എയര്‍ ഫ്രഷ്‌നറുകള്‍ ഉണ്ടാക്കുവാന്‍ ഉപയോഗിക്കും. ഇവ വെള്ളത്തിലിട്ട് തിളപ്പിച്ച് അരിച്ചെടുത്ത് സ്‌പ്രേ ചെയ്യാം.

എല്ലാം കൂടിച്ചേര്‍ന്ന മണം വേണമെന്നുള്ളവര്‍ക്ക് ഇവയെല്ലാം ഒരുമിച്ചു തിളപ്പിച്ച വെള്ളവും ഉപയോഗിക്കാം.

വീട്ടിലുണ്ടാക്കുന്ന എയര്‍ ഫ്രഷ്‌നറുകള്‍ പണം ലാഭിക്കാന്‍ സഹായിക്കും. ഇവയില്‍ കൃത്രിമസാധനങ്ങളൊന്നും കലരാത്തതു കൊണ്ട് ആരോഗ്യത്തിനും ദോഷമുണ്ടാക്കുന്നില്ല. അലര്‍ജി തുടങ്ങിയ പ്രശ്‌നങ്ങളും ഇത്തരം സ്‌പ്രേകള്‍ വരുത്തില്ല.