സോക്‌സ് വൃത്തിയാക്കാന്‍ ബേക്കിംഗ് സോഡ

Improvement

oi-Saritha

By Veena

Published: Monday, May 7, 2012, 15:53 [IST]

ബേക്കിംഗ് സോഡ ഭക്ഷണസാധനങ്ങളിലാണ് സാധാരണ ചേര്‍ക്കാറ്. എന്നാല്‍ ഇതുകൊണ്ട് മറ്റു പല പ്രയോജനങ്ങളുമുണ്ട്. പ്രത്യേകിച്ചും പല സാധനങ്ങളും വൃത്തിയാക്കുവാന്‍.

ചില ഭക്ഷണസാധനങ്ങള്‍, പ്രത്യേകിച്ച് ഇറച്ചിയും മീനും മറ്റും ഫ്രിഡ്ജില്‍ ദുര്‍ഗന്ധമുണ്ടാക്കും. ഇളം ചൂടുള്ള വെള്ളത്തില്‍ ബേക്കിംഗ് സോഡ കലക്കി ഫ്രിഡ്ജിനകം തുടച്ചാല്‍ ദുര്‍ഗന്ധം മാറിക്കിട്ടും.

സോക്‌സുകളിലെ ചെളി പോകാന്‍ ചിലപ്പോള്‍ ബുദ്ധമുട്ടാണ്. ഉരച്ചു കഴുകിയാല്‍ ഇവ കേടാകുകയും ചെയ്യും. ബേക്കിംഗ് സോഡ കലക്കിയ വെള്ളത്തില്‍ ഇവ മുക്കി വച്ച് കുറച്ചു സമയം കഴിഞ്ഞ് കഴുകിയാല്‍ വേഗം വൃത്തിയാകും.

തുണികളിലെ വിയര്‍പ്പു മണവും വിയര്‍പ്പു കറയും പോകാന്‍ തണുത്ത വെള്ളത്തില്‍ ബേക്കിംഗ് സോഡ കലക്കി വിയര്‍പ്പു പാടുള്ള സ്ഥലത്ത് പുരട്ടി അല്‍പം കഴിഞ്ഞ് കഴുകിക്കളയാം.

ഫഌസ്‌കില്‍ ബേക്കിംഗ് സോഡ കലര്‍ത്തിയ വെള്ളം നിറച്ചു വച്ച് പിന്നീട് ഇളം ചൂടുവെള്ളം കൊണ്ട് കഴുകിയാല്‍ ദുര്‍ഗന്ധം മാറും. ഫഌസ്‌കിന് ഉള്‍വശം വെട്ടിത്തിളങ്ങുകയും ചെയ്യും.