വൃത്തിക്ക് ചില പുതിയ പാഠങ്ങള്‍

Improvement

oi-Saritha

By Veena

Published: Tuesday, April 24, 2012, 14:25 [IST]

വീട്ടിലെ ഭക്ഷണസാധങ്ങള്‍ പലതും പല സാധനങ്ങളും വൃത്തിയാക്കാനും ഉപയോഗിക്കാം. ഇത്തരം പൊടിക്കൈ അറിയണമെന്നുണ്ടോ

ഓയില്‍ പെയിന്റിംഗിലെ പൊടിയും മറ്റും തുടച്ചെടുക്കാന്‍ ബ്രെഡ് ഉപയോഗിക്കാം. ഒരു കഷ്ണം ബ്രെഡ് കൊണ്ട് പെയിന്റിംഗിന്റെ മുകളില്‍ ഒപ്പിയെടുത്താല്‍ മതിയാകും.

കൈകള്‍ നല്ലപോലെ ഉരച്ചു കഴുകാന്‍ സ്‌ക്രബര്‍ വേണ്ട. ഓട്‌സുണ്ടെങ്കില്‍ ഇതും അല്‍പം വെള്ളവും കൂടി ചേര്‍ത്ത് കൈ കഴുകാം.

കഴുത്തിടുങ്ങിയിരിക്കുന്ന കുപ്പികളുടെ ഉള്‍ഭാഗം വൃത്തിയാക്കണമെങ്കില്‍ കാല്‍ഭാഗം ചൂടുവെള്ളം നിറച്ച് അതില്‍ ഒരു സ്പൂണ്‍ അരി ഇടുക. കുപ്പിയുടെ മുകള്‍ഭാഗം അടച്ച ശേഷം നല്ലപോലെ കുലുക്കി കഴുകുക.

പൂന്തോട്ടത്തിലും അടുക്കളയിലും ഉപയോഗിക്കുന്ന കത്തിയും മറ്റ് ഇരുമ്പുസാധനങ്ങളും തുരുമ്പു പിടിച്ചാല്‍ വൃത്തിയാക്കാന്‍ കട്ടന്‍ചായ മതിയാകും. നല്ല കടുപ്പത്തില്‍ കട്ടന്‍ചായ തിളപ്പിച്ച് ചൂടാറിക്കഴിയുമ്പോള്‍ തുരുമ്പുള്ള സാധനങ്ങള്‍ ഇതിലിട്ടു വയ്ക്കുക. അല്‍പസമയം കഴിഞ്ഞ് തുണി കൊണ്ടു തുടച്ചെടുക്കാം. സാധനങ്ങള്‍ മുങ്ങിക്കിടക്കാന്‍ തക്ക അളവില്‍ കട്ടന്‍ചായ വേണം.

ചെമ്പ്, പിച്ചളപ്പാത്രങ്ങളിലെ കറ നീക്കാന്‍ ടൊമാറ്റോ കെച്ചപ്പ് മതി. കെച്ചപ്പ് ഒരു കഷ്ണം തുണിയില്‍ എടുത്ത് പാത്രങ്ങളില്‍ കറയുള്ളിടത്ത് പുരട്ടി ഉരസുക. ഇത് പിന്നീട് ചൂടുവെള്ളം കൊണ്ട് കഴുകാം.

മരത്തിലും മറ്റും മാര്‍ക്കര്‍ കൊണ്ട് അടയാളപ്പെടുത്തിയത് മായ്ക്കാന്‍ അല്‍പം ആല്‍ക്കഹോള്‍ ഈ ഭാഗത്ത് ഒഴിച്ച് അല്‍പനേരം ഉരച്ചാല്‍ മതിയാകും.

സ്റ്റെയിന്‍ലസ് സ്റ്റീല്‍ സിങ്ക് വൃത്തിയാക്കാന്‍ ക്ലബ് സോഡ മതിയാകും.

ഇത്തരം വഴികള്‍ പരീക്ഷിച്ചു നോക്കൂ.