അടുക്കള മാലിന്യം സംസ്‌കരിക്കാം

ചില വേസ്റ്റെങ്കിലും ഒഴിവാക്കാന്‍ സാധിക്കും. അധികമുള്ള ഭക്ഷണം ചിലരെങ്കിലും കളയാറുണ്ട്. ആവശ്യത്തിന് ഭക്ഷണമുണ്ടാക്കുകയെന്നത് ഒരു മാര്‍ഗം.

പ്ലാസ്റ്റിക് ഉപയോഗം കുറയ്ക്കുക. പരിസ്ഥിതിക്ക് ഇത് നല്ലതാണ്. മണ്ണിലിടാവുന്നതും അല്ലാത്തതുമായ മാലിന്യം വെവ്വേറെ വേസ്റ്റ് ബാസ്‌കറ്റുകളില്‍ ഇടുന്നതായിരിക്കും നല്ലത്.

ചെടികള്‍ക്കും മറ്റും വളമായി ഉപയോഗിക്കാവുന്ന അടുക്കള മാലിന്യങ്ങളുണ്ട്. പച്ചക്കറിത്തൊണ്ട്, ചീഞ്ഞ പച്ചക്കറികള്‍ തുടങ്ങിയവ ഇങ്ങനെ ഉപയോഗിക്കാം.

വേസ്റ്റ് ഇടാവുന്ന കറുത്ത നിറത്തിലുള്ള ഗാര്‍ബേജ് ബാഗുകള്‍ ഉപയോഗിക്കാന്‍ ശ്രദ്ധിക്കുക. ഇത് നശിപ്പിക്കാന്‍ എളുപ്പമാണ്.

മാലിന്യങ്ങള്‍ അവിടിവിടെയായി വലിച്ചെറിയരുത്. ഫഌറ്റാണെങ്കില്‍ ഇതിന് വേണ്ടിയുള്ള സ്ഥലത്തിടുക. വീട്ടില്‍ തൊടിയുണ്ടെങ്കില്‍ ഒരു കുഴിയുണ്ടാക്കി അതിലിട്ടു മൂടുകയോ ഉണങ്ങുമ്പോള്‍ കത്തിച്ചു കളയുകയോ ചെയ്യണം. പ്ലാസ്റ്റിക് ഇങ്ങനെ സംസ്‌കരിക്കരുത്.