ചുവരിലെ എണ്ണക്കറ കളയാം

Improvement

oi-Saritha

By Veena

Published: Thursday, March 29, 2012, 12:32 [IST]

ചുവരിലെ പെയിന്റിംഗ് ഭംഗി കളയുന്ന പ്രധാന കാരണമാണ് എണ്ണക്കറ. പ്രത്യേകിച്ച് അടുക്കളയില്‍. ഇത്തരം കറകള്‍ മാറ്റാനുള്ള ചില വഴികളിതാ.

സ്‌പോഞ്ച് വൈറ്റ് വിനെഗറില്‍ മുക്കിപ്പിഴിഞ്ഞ് എണ്ണക്കറയായ ഭാഗത്ത് ഉരയ്ക്കുക. കറകള്‍ പോയിക്കഴിഞ്ഞാല്‍ മറ്റൊരു നനഞ്ഞ സ്‌പോഞ്ച് കൊണ്ട് വിനെഗര്‍ തുടച്ചു നീക്കാം.

എണ്ണക്കറ മാറ്റാന്‍ കോണ്‍ സ്റ്റാര്‍ച്ചും ഉപയോഗിക്കാം. കോണ്‍സ്റ്റാര്‍ച്ച് അല്‍പം വെള്ളം ചേര്‍ത്ത് പേസ്റ്റ് പോലെയാക്കുക. ഇത് ചുവരിലെ എണ്ണക്കറയായ ഭാഗത്ത് പുരട്ടുക. ഇത് ഉണങ്ങിക്കഴിഞ്ഞാല്‍ നനഞ്ഞ തുണി ഉപയോഗിച്ച് പേസ്റ്റ് തുടച്ചുമാറ്റുക. കറ പോകുന്നതു വരെ ഇത് ആവര്‍ത്തിച്ചു ചെയ്യുക.

ഇരുമ്പുതകിട് ചൂടാക്കി വച്ചും എണ്ണക്കറ മാറ്റാം. ഇരുമ്പുവടിയോ തകിടോ ചൂടാക്കുക. ടിഷ്യൂ പേപ്പര്‍ കറയുള്ള ഭാഗത്തു വയ്ക്കുക. ഇതിന് മുകളില്‍ ചൂടായ ഇരുമ്പുതകിടു കൊണ്ട് പതുക്കെ ഉരസുക. എണ്ണക്കറ അലിയുകയും ടിഷ്യൂ പേപ്പര്‍ ഇത് വലിച്ചെടുക്കുകയും ചെയ്യും. എണ്ണക്കറ പോകുന്നതു വരെ ഇത് ആവര്‍ത്തിച്ചു ചെയ്യാം. കറ പോയിക്കഴിഞ്ഞാല്‍ അല്‍പം സോപ്പുവെള്ളം ഉപയോഗിച്ച് ഇത് വൃത്തിയാക്കാം.

കൂടതല്‍ സ്ഥലത്ത് എണ്ണക്കറയുണ്ടെങ്കില്‍ വീണ്ടും അതേ നിറത്തിലുള്ള പെയിന്റ് അടിയ്ക്കുകയാണ് മാര്‍ഗം.