വസ്ത്രത്തില്‍ നിന്ന് പെര്‍ഫ്യൂം കറ കളയാം

പെര്‍ഫ്യൂമുകളിലെ ആസിഡാണ് മിക്കവാരും മഞ്ഞനിറത്തിലുള്ള കറയ്ക്ക് കാരണമാകുന്നത്. ചൂടുവെള്ളത്തില്‍ പഞ്ഞി മുക്കി കറയുള്ള ഭാഗത്ത് ഒപ്പിയെടുക്കുക. സാധാരണ ഗതിയില്‍ കറ മാറിക്കിട്ടും.

ഏതെങ്കിലും ഡിറ്റെര്‍ജെന്റ് ഇളംചൂടുവെള്ളത്തില്‍ കലര്‍ത്തി അരമണിക്കൂര്‍ നേരം വസ്ത്രം അതിലിട്ട് കഴുകിയെടുക്കുക.

വെള്ളത്തില്‍ ബേക്കിംഗ് സോഡ കലര്‍ത്തിയും വസ്ത്രം ഇട്ടു വയ്ക്കാം. ബേക്കിംഗ് സോഡയും അല്‍പം അമോണിയയും കലര്‍ന്ന മിശ്രിതവും നല്ലതുതന്നെ. ഈ മിശ്രിതത്തില്‍ തുണി ഇടുന്നതിന് മുന്‍പ് അല്‍പമെടുത്ത് വസ്ത്രത്തിന്റെ ചെറിയ ഭാഗത്ത് പുരട്ടി നോക്കൂക. ഇത് തുണിയ്ക്കു ദോഷം വരുത്തുന്നുണ്ടോയെന്ന് അറിയാം.

നല്ല വെയിലത്ത് തുണി ഉറക്കിയെടുക്കുക. കറ കുറഞ്ഞു കിട്ടും.

പെര്‍ഫ്യൂമുകള്‍ എപ്പോഴും ഒരു നിശ്ചിത ദൂരത്തില്‍ നിന്ന് അടിയ്ക്കുവാന്‍ ശ്രമിക്കുക. വീര്യം കുറഞ്ഞ പെര്‍ഫ്യൂമുകള്‍ നോക്കി വാങ്ങുന്നതും ഒരു കാര്യമാണ്.